Rregullimi i dhomës së fëmijës është gjithmonë një punë magjepsëse dhe sfiduese. Përveç dukjes që arrihet përmes dizajnit, materialeve dhe ngjyrave, dhoma e fëmijëve duhet të plotësojë edhe shumë kërkesa funksionale- sidomos kur fëmijët janë të moshës shkollore.
Dizajni i krevatit të fëmijës është veçmas i rëndësishëm, sepse bashkëvepron në ndërtimin e komoditetit të përgjithshëm të dhomës.
Një nga kërkesat e rëndësishme për dhomën e fëmijës është mundësia e transformimit të saj në një vend për lojë, transmeton Telegrafi.
Për fëmijët e moshës shkollore në dhomën e fëmijëve, në kuptimin e funksionalitetit, ka rol të posaçëm hapësira e punës. Krahas gjumit, në dhomë fëmijët kalojnë më së shumti kohë duke mësuar.
Pozita dhe madhësia e tavolinës së punës janë shumë të rëndësishëm për kualitetin e punës dhe mësimit. Preferohet sigurimi i tavolinës së punës me dimensione 90×60, e cila do të vendoset përpara dritares ose në mënyrë që drita natyrore të hyjë nga ana e majtë, respektivisht nga e djathta nëse fëmija është majtak.
Krahas tavolinës së punës vendosni rafte për libra. Kushtoni kujdes edhe zgjedhjes së tavolinës së punës, e cila duhet të jetë ergonomikishit e përshtatshme. Zonën e punës preferohet që ta organizoni si të ndarë për “shkollarët seriozë”, ndërsa për ata që porsa ia kanë filluar shkollës, tavolina mund të vendoset krahas hapësirës për lojë.
Me vendosjen e televizorit, kompjuterit, orendive dhe ulëseve për pushim, mini-bibliotekave dhe elementeve tjera, do ta bëni dhomën e fëmijës në multifunksionale.
Pjesa ditore e të voglit do të jetë ndryshe e organizuar për qëndrim në raport me ata pakëz më të rriturit. Të vegjëlve vendosuni tavolinë me forma imagjinatave dhe ulëse me dimensione të vogla, të cilat do të formojnë zonë të veçantë.
Pjesa ditore për fëmijët më të pjekur mund të bëhet në forma të ndryshme, ndërsa në rast të mungesës së hapësirës, mund të vendosni krevat, i cili gjatë ditës mund të shfrytëzohet si element për t’u ulur, shtrirë ose pushuar.
Këshillohet që të lini minimalisht 4 m2 hapësirë të lirë, e cila fëmijëve do t’u shërbejë për çfarëdo që e dëshirojnë. Po ashtu, duhet të vendosni rafte dhe dollapë të mjaftueshëm, ku të vegjlit do t’i përgatisin lojërat e tyre. /Telegrafi/
Lufta Prigozhin - Putin
Më shumëSi ndryshon trupi i gruas pas humbjes së virgjërisë
Stina e pranverës dhe shtatzënia
Udhëzuesi i Kendall Jenner për veshjet pranverore? Pa një bluzë apo këmishë!
Procesi i shtatzënisë nga javët e para e deri në lindje
Si ndryshojnë shenjat e autizmit tek bebet 0-12 muajshe, 1 deri në 2 vjeç dhe mbi 3 vjeç
Estetistja Simoneta Bajrami po zhvillon trende të reja - ajo tregon se me ardhjen e pranverës janë shtuar kërkesat për trajtimet estetike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë