Një veterani të UÇK-së i ishin kërkuar para ryshfet në këmbim të kartelës së invalidit.
Qytetari nga rajoni i Gjilanit ka raportuar se i janë kërkuar 300 euro për të kryer një ekspertizë mjekësore në QKUK.
Në një intervistë për ‘KALLXO’ veterani ka rrëfyer mënyrën si mbeti invalid dhe proceset e shumta nëpër të cilat kishte kaluar për të marrë një kartelë të invalidit.
Veterani nga Gjilani ka thënë se është në këtë gjendje për 17 vite, kurse për herë të parë si invalid ka aplikuar në vitin 2012.
“Unë jam që 17 vite në këtë gjendje, nuk kam mundur të shkoj as për rregullim të dokumenteve. Në vitin 2012 kam shkuar për aplikim dhe më kanë thirrur në vitin 2013”, ka deklaruar veterani.
Në një deklarim tha se lëndimin në këmbë për herë të parë e ka marrë gjatë kohës së luftës në Maqedoni të Veriut nga një granatë ku më pas ka marrë infektim të këmbës.
“Unë lëndimin e kam marrë në Maqedoni, në luftë duke bartur armatim. Kam ardhur nga Zvicra në kohë të luftës. Kam pasë t’i largoj disa fëmijë prej luftës atje dhe t’i sjellë në Maqedoni. Pastaj kam qëndruar atje për dy vite. Lëndimi ka ardhur nga një granatë, spirrat e saj m’i kanë larguar por më është infektuar këmba dhe filloi të bëhej si lloj tromboze, këmba e majtë pastaj më është bllokuar dhe është bartë edhe në anën tjetër”, ka deklaruar ai.
Veterani deklaroi se operimin e fundit e ka bërë para një viti. Madje sipas tij një herë kanë dashur t’i bëjnë amputim të këmbës, por që gjenerali Qehaja nuk kishte lejuar.
“Operimin e fundit e kam pasur para një viti, kam pasur tre operime. Një herë kanë dashur të më bëjnë amputim të këmbës, por gjenerali Ramadan Qehaja në atë kohë nuk i ka lejuar”, shtoi tutje ai.
Tutje veterani potencoi se edhe shtëpinë e ka të ndërtuar nga Halil Kastrati.
“Një gazetare më ka sjellë Halil Kastratin për vizitë që edhe më ka ndërtuar një shtëpi’, shtoi ai.
Ai tha se pension si invalid ka marrë vetëm një vit në periudhën 2012-2013. Pas kësaj ai deklaroi se ka ardhur në Gjykatën e Prishtinës.
“Pension kam marr vetëm një vit, në vitin 2013 më është ndalë. Pastaj kam ardhur në Gjykatë në Prishtinë, ndërsa pensioni më është ndërprerë pasi mbiemri nuk qenë i shënuar njëjtë në të gjitha dokumentet”, shtoi ai.
Pas këtij refuzimi, veterani theksoi se ka shkuar te disa avokatë për ndihmë juridike falas.
“Pensioni që kam marrë për një vit ka pasur vlerë 75 euro. Pas refuzimit kam shkuar te tre avokatë të ndihmës juridike falas që kanë bërë dy kërkesa. Pas kërkesa të avokatëve jam thirrur nga Gjykata në Prishtinë”, potencoi ai.
Veterani shtoi se në vitin 2017 një avokat i ka thënë se ka fituar rastin.
“Më pas ka ardhur një avokat dhe më ka thënë se e kam fituar rastin pasi këtu pyetet gjykata, kjo ka ndodhur në vitin 2017. Më atë vendim të gjykatës nuk kam bërë asgjë pasi ministria më ka kthyer përgjigje negative”, shtoi tutje ai.
Derisa, sipas tij, para disa muajsh është kontaktuar nga “Handikos” në Gjilan ku i është thënë të shkojë në Prishtinë për të marrë dokument nga mjeku që e ka operuar.
“Para disa muajve më kanë thirr nga Handikos në Gjilan dhe më kanë thënë se duhet të shkojë në Prishtinë të marr një dokument se kam një crevë të vënë në këmbë të cilin e kam marr nga mjeku që më ka operuar dhe tash që 6 muaj askush nuk më ka kontaktuar”, tha ai.
Ndërsa, sipas veteranit, më datë 8 korrik ka ardhur në Prishtinë në komision vlerësues ku edhe i janë kërkuar 300 euro.
Pas kësaj, veterani tha se u ka treguar që ka librezë të ‘Handikos’ dhe nuk paguan askund.
“Më datë 8 korrik më ka thënë të vij në Prishtinë në komision vlerësues dhe më thanë se duhet t’u jap 300 euro. Unë më pas u kam thënë se posedoj librezë të ‘Handikos’ dhe nuk paguaj askund”, shtoi ai.
“Pasi kam ardhur tek ju kam pasur bashkëpunimin me Policinë të cilët më kanë vënë një kamerë dhe paratë që do i dërgoja mjekut. Pas gjithë kësaj ka ardhur deri tek ndërhyrja e Policisë”, përfundoi veterani.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë