Harvey Weinstein është goditur edhe njëherë në festivalin ndërkombëtar të filmit - Kanë.
Në ceremoninë mbyllëse të festivalit, aktorja Asia Argento ka mbajtur një fjalim emocionues rreth jetës private.
Në fakt, ajo ka treguar se si në moshën 21-vjeçare, pikërisht në Kanë, e kishte përdhunuar seksualit regjisori Weinstein.
Producer Harvey Weinstein (Getty Images)
"Në vitin 1997, unë u përdhunova nga Harvey Weinstein këtu në Kanë", tha Argento në fillim të rrëfimit të dhimbshëm para shumë yjeve botërore.
"Isha 21-vjeçare. Ky festival ishte toka e tij e gjuetisë. Unë dua të bëj një parashikim: Harvey Weinstein kurrë më nuk do jetë i mirëpritur në këtë festival.
Ai do të jetojë i turpëruar, i shmangur nga komuniteti filmik që dikur e përqafoi dhe e mbuloi për krimet e tij", vazhdoi ajo.
"Madje edhe sonte, ulur midis jush, ka njerëz që duhet të mbahen përgjegjës për sjelljen e tij ndaj grave, për sjellje që nuk i përkasin kësaj industrie", tha ndër të tjerash aktorja.
Theksojmë se Weinstein është akuzuar nga një numër i madh i aktoreve për ngacmime dhe përdhunime seksuale duke përfshirë Gwyneth paltrow dhe Angelina Jolien. /Telegrafi/
