Rrëfimi për Hipgnosis

Dokumentari i fundit i Anton Corbijnit tregon anekdotat e studios britanike e dizajnit që realizoi disa nga kopertinat më të famshme të albumeve të viteve 1970.

Kopertina e albumit Animals e grupit Pink Floyd është kolazh që shfaq një derr duke fluturuar mbi termocentralin e Londrës [Battersea Power Station]. Fillimisht u menduar të jetë fotografi, por kontrollimi i derrit të gomës me ajër, nuk ishte aspak i lehtë në lartësi (në fakt, kaloi në një zonë ku aeroplanët afrohen në Aeroportin “Heathrow”). As nuk ishte e lehtë që një burrë të qëndronte në këmbë pasi i ishte vënë zjarri, diçka që u bë për të krijuar një imazh për albumin e mëparshëm të grupit, Wish You Were Here. As nuk ishte e lehtë mbajtja e qetë e deles në divanin e një psikiatri në Havai – fotografi që përbënte vetëm një pjesë të vogël të kopertinën origjinale për albumin grupit 10cc, Look Hear?

Këto janë disa nga anekdotat që tregohen në Squaring the Circle (The Story of Hipgnosis, një dokumentar i Anton Corbijnit për Hipgnosis – studion britanike të dizajnit që përafërsisht për 15 vjet – që nga viti 1968 kur u formua – realizoi disa nga artet më të çuditshme dhe më inovative të vëna ndonjëherë në disqe gramafoni. (Emri është një kombinim i fjalëve “hip”/”ijë” dhe “gnostic”/”gnostik” që shqiptohet si “hypnosis”/”hipnozë”.)

Squaring the Circle e ka ndjesinë e një portreti zyrtar. Aubrey Powell, i njohur si Po, i cili themeloi e Hipgnosis me Storm Thorgersonin, ka qendrën e gravitetit midis të intervistuarve që përfshijnë shumë nga miqtë dhe kolegët e tij. Pamjet vizuale – pamje bardhezi të ditëve të sotme; shumë fotografi nga kulmi i Hipgnosis – janë mahnitëse.

Ky film rrëfen gjenezën e një ideje dhe të bashkëpunimit të njëpasnjëshëm. (“Kur merrja një telefonatë nga një Beatle, ishte paksa si një telefonatë nga Zoti”, thotë Powell për Paul McCartneyn.) Squaring the Circle është dokumentar i mirë dhe i këndshëm, por pas një kohe kujtimet bëhen paksa monotone. /Ben Kenigsberg/The New York Times/Në shqip nga: Telegrafi/