Cristiano Ronaldo është duke i shijuar pushimet me familjen e tij në jahtin që kushton rreth 6.5 milionë euro në Majorka të Spanjës.
Superylli portugez është duke pushuar nga futbolli dhe duke u rikuperuar, para fillimit të përgatitjeve për sezonin e ri.
37-vjeçari, i shoqëruar nga partnerja Georgina Rodriguez dhe fëmijët Cristiano Jr (11 vjeçar), Eva (pesëvjeçare), Matteo (pesëvjeçar), Alana Martina (katërvjeçare) dhe Bella (dymuajshe) – janë duke e shijuar motin spanjoll në det të hapur.
(Foto: Splash)
Familja e tij po qëndron në një vilë luksoze, të izoluar nga sytë kureshtarë, që ndodhet rrëzë maleve Tramuntana.
Ata kanë udhëtuar drejt Spanjës me aeroplanin e tij privat G200, i cili ka vlerë prej afro 23.5 milionë eurosh.
(Foto: Splash)
Pushimet luksoze po i kalojnë në jahtin Azimut Grande të gjatë rreth 26 metra, të cilin e bleu në vitin 2020 për 6.5 milionë euro.
(Foto: Splash)
Ronaldo ka mahnitur edhe një herë me fizikun e tij muskuloz në fotografitë e shpërndara nga paparacit, por edhe nga vet ai në rrjetet sociale.
(Foto: Splash)
Ndërsa Georgina ka marrë sërish vëmendjen me figurën trupore, e veshur me bikini të kaltra. /Telegrafi/
(Foto: Instagram/cristiano)
