Ronaldo nuk përmbahet as në tunelin e stadiumit: Kam fituar pesë Liga të Kampionëve, Atletico zero

Cristiano Ronaldo vazhdimisht është tallur me Atletico Madridin në fushë, por ka vazhduar edhe në tunelin e stadiumit duke thënë se ka fituar pesë trofe të Ligës së Kampionëve, për dallim nga klubi spanjoll që nuk e ka asnjë.

Ylli i Juventusit ishte fyer nga tribunat gjatë gjithë ndeshjes së parë të 1/8-tës në Wanda Metropolitano, e cila i pa Bianconerët të mposhtu me rezultat 2-0.

Gjatë ndeshjes, ai tundi pesë gishta drejt tifozëve të Atleticos, duke i kujtuar se ai vetëm ka fituar pesë trofe të Ligës së Kampionëve.

Lexo po ashtu Tifozët e Atleticos i fishkëllejnë gjatë gjithë ndeshjes, Ronaldo i ngacmon duke i treguar se sa Liga të Kampionëve i ka të fituara

Në anën tjetër, Los Colchoneros ende nuk e kanë shijuar triumfin në këtë garë edhe përkundër dy finaleve në vitet e fundit.

Ronaldo shkoi edhe më tej kur kaloi në ‘mix-zone’ të tunelit të stadiumit, ku gazetarët u mblodhën për të folur me lojtarët.

Portugezi i dëshpëruar nga humbja i tregoi gishtat përsëri, por kësaj radhe nën nervozizëm u tha edhe me zë.

Lexo po ashtu Simeone feston në mënyrë të shëmtuar golin e Gimenez ndaj Juventusit

“Kam pesë trofe të Ligës së Kampionëve, ndërsa Atletico kanë fituar zero”, ka thënë Ronaldo në tunelin e stadiumit.

‘Lufta’ mes Ronaldos dhe klubit spanjoll pritet të vazhdojë deri në ndeshjen kthyese pas tri javëve në Torino. /Telegrafi/

📽️ La imagen de @Cristiano al abandonar el Metropolitano

🗣️ "Tengo cinco Champions y el @Atleti cero"

📺 @Golpic.twitter.com/9c75hhMs87

— El Partidazo de COPE (@partidazocope) February 20, 2019