Ronaldo nuk është pjesë e planeve të Ten Hag te Man Utd, pritet largimi i portugezit nga Old Trafford

Menaxheri i ardhshëm i Manchester United, Erik Ten Hag ia ka bërë të qartë drejtuesve të klubit se Cristiano Ronaldo nuk do t’i përshtatet stilit të tij të lojës dhe legjenda portugez nuk është pjesë e planeve të tij.

Ten Hag është gati të bëhet trajneri i ardhshëm i Unitedit pasi ka rënë dakord për një marrëveshje në parim me drejtuesit e klubit.

Sipas Daily Star, Ten Hag thuhet se ka sanksionuar largimin e Ronaldos – pasi e ka bërë të qartë se legjenda e Unitedit nuk do të jetë pjesë e planeve të tij afatgjata në Old Trafford.

Lexo po ashtu Si do ta ndryshojë Erik ten Hag skuadrën e Manchester Unitedit – formacioni i mundshëm për sezonin e ri

Lajmi do të befasojë tifozët e Unitedit, të cilët ende e konsiderojnë Ronaldon si një figurë ikonike në klub, pavarësisht vështirësive të tij këtë sezon.

Tifozët ishin të entuziazmuar verën e kaluar kur Ronaldo, 37 vjeç, shpërfilli rivalët e Manchester Cityt për të bërë një rikthim mahnitës te United nga Juventus në një marrëveshje prej 12 milionë funtesh.

Ai pritej të ndihmonte gjigantët e rënë të sfidonin përsëri për trofe, por magjia e tij e dytë është kthyer në një makth, pasi tashmë Unitedi nuk është në ‘luftë’ për asnjë trofe.

Lexo po ashtu ‘Nuk na duhet kjo, fokusohuni në ndeshjet e vërteta’ – tifozët me kritika pas publikimit të një videoje nga Unitedi ku CR7 shënon gol spektakolar në stërvitje

Kjo perspektivë së bashku me mundësinë që Djajtë e Kuq nuk do të jenë në Ligën e Kampionëve sezonin e ardhshëm do të thotë se një largim është gjithnjë e më i mundshëm.

Megjithatë, destinacioni i yllit portugez mbetet i pasigurt shkaku i viteve të tij dhe transferimi në një klub të madh do të jetë shumë problem. /Telegrafi/