Roman Abramovich ka paguar 105 milionë euro kompensim për trajnerët e shkarkuar që nga viti 2004

Pronari i Chelseat, Roman Abramovich, njihet si njëri prej pronarëve të klubeve që nuk e do humbjen dhe ndërron shpesh trajnerët.

I fundit që e fitoi gjyqin është ish-trajneri Antonio Conte, që do t’i marr mbi 10 milionë euro kompensim.

Sipas Daily Mail, shkarkimet e trajnerëve i kanë kushtuar Abramovichit hiq më pak se 92.9 milionë funte (105 milionë euro).

Paksa e çmendur.

Claudio Ranieri ishte i pari që mori kompensim prej 7 milionë euro, ndërsa Jose Mourinho në  vitin 2007 mori 23.1 milionë funte (26 milionë euro).

Avram Grant mori 5.2 milionë funte (6 milionë euro), Luiz Felipe Scolari fitoi 12.6 milionë funte ( 14 milionë euro) dhe Carlo Ancelotti mori 6 milionë funte (7 milionë euro(.

Pastaj vije radha e André Villas-Boas që futi në gjep 12 milionë funte (13 milionë euro), ndërsa Roberto Di Matteo mori 10.7 milionë funte (12 milionë euro).

Rafa Benítez nuk kishte marr kompensim për largim.  Special One në largimin  dytë mori 8.3 milionë funte (10 milionë euro).

As Guus Hiddink nuk kishte marr kompenson.

Flitet që edhe Maurizio Sarri do të largohet këtë verë, por kësaj radhe me marrëveshje, duke ia lënë vendin Frank Lampardit. /Telegrafi/