Volodymyr Zelenskiy (skenarist, aktor dhe regjisor) është kandidati kryesor për të zënë vendin kryesor të shtetit të tij, transmeton Telegrafi.
Është një skeç i denjë për skenar të Armando Iannuccin. Megjithatë, është i vërtetë. Në balotazhin presidencial të kësaj jave në Ukrainë, aktori dhe komediani 41-vjeçar Volodymyr Zelenskiy, një anonim politik, kryeson grupin e kandidatëve. Pjesa e tij prej 30 për qind të votave ka lënë në hije rivalin e tij, presidentin në detyrë Petro Poroshenko (17 për qind). Me votën përfundimtare më 21 prill, reputacioni i Zelenskiyt si “një nga komedianët më të popullarizuar të Ukrainës” ka shkaktuar emocione të çuditshme në mbarë botën. Por, kush është ai? Dhe si duket komedia e tij?
Në serinë televizive ukrainase, “Shërbëtori i Popullit”, karakteri i Zelenskiyt – mësues i quajtur Vasiliy Petrovych Goloborodko – aksidentalisht bëhet president kur një video e tij që flet për politikën përhapet viralisht. Dhe, ashtu si karakteri i serisë, edhe në jetën reale Zelenskiy del i dashur, karizmatik dhe gazmor.
“Shërbëtori i popullit” është si një kryqëzim në mes të satirës televizive “The Thick of It” dhe filmave “Johnny English”. Madje ka pak elemente edhe të serisë “House of Cards” (versioni origjinal britanik) me shumë oligarkë ukrainas që konkurrojnë në versionin post-sovjetik të karakterit të serive “Yes Minister” dhe “Yes Prime Minister”, Sir Humphrey Appleby. Aty ka ndjekje me makina, politikanë të dehur që bien me fytyrë së pari në ushqimin e tyre e pastaj në banketet shtetërore.
Kanalet në gjuhën ruse në YouTube janë të mbushura me klipet e Zelenskiyt, i cili ka qenë punonjës në televizionin ukrainas që nga viti 2003, kryesisht për shkak të punës së tij si anëtar themelues i Studio Kvartal 95, një kompani prodhimi me grupin e skeçeve. Humori i tyre përshkruhet si në gjysmë të rrugës mes shkollës tallëse dhe asaj të vjetër. Zelenskiy kohët e fundit i tha BBC-së se ka simpati për grupin Monty Python.
Në një prodhim për Krishtlindje nga Studio Kvartal 95, paraqet një skenë ku Romeo dhe Zhuljeta diskutojnë fatin e Ukrainës, në rima, teksa Zhuljeta mendon nëse duhet ta helmojë ose jo veten. Në një nga skeç Zelenskiy thotë: “Doni të futeni në politikë? Zhvishni pantallonat”.
Ueb-faqja e Studio Kvartal 95 përmend “zërin unik dhe seksi” të Zelenskiyt që i “çmend gratë”. Ndërkaq, Zelenskiy thotë: “Ma ndien për njerëzit. Jo për politikën. Jo për ambicien. Njerëzit janë ata që kanë vlerë”! /Telegrafi/
Promo
Reklamo këtuLufta Prigozhin - Putin
Më shumëSHPELLA
Ana Komnena për zbarkimin e vikingëve në Durrës: Libri ku “për herë të parë” përmenden shqiptarët!
Portreti që frymëzoi Shekspirin të shkruante Othellon
Atentatet, tenisi dhe 250 cigare në ditë: 50 fakte nga jeta e Ahmet Zogut
Dhjetë gjërat që mund t’i mësojmë nga “Thika” e shkrimtarit Salman Rushdie
Romeo dhe Zhulieta: Origjina e dashurisë tragjike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin