Rivaldo: Bale ka ende për të treguar, te Newcastle do të ishte përsëri yll i madh

Legjenda e Brazilit, Rivaldo i ka bërë thirrje yllit të Real Madridit, Gareth Bale, të bashkohet me Newcastle United.

Real Madrid e ka vendosur në shitje reprezentuesin e Uellsit këtë verë dhe një largim i tij nga Santiago Bernabeu duket i pashmangshëm.

Dhe Rivaldo mendon se Bale mund të mbetet edhe më tutje një supersyll në Evropë nëse zgjedh të transferohet te Newcastle.

Lexo po ashtu Perez dhe Zidane planifikojnë ‘operacionin fshesa’, 11 lojtarë në listën e largimeve

“Ende mendoj se Gareth Bale ka diçka për të treguar në futbollin evropian në moshën 30-vjeçare, para se të transferohet në MLS”, ka thënë fillimisht Rivaldo për Betfair.

“Besoj se karriera e tij në Real Madrid po merr fund. Klubi nuk beson se Bale mund të jetë një lojtar vendimtar pas disa problemeve të brendshme në vitet e fundit”.

Lexo po ashtu Real Madridi duhet të shesë emra të mëdhenj përpara se të blejë

“Në Newcastle, ai do të ishte ylli më i madh i ekipit dhe mund të drejtonte një skuadër të rinovuar në një sezon të mirë të Ligës Premier”.

“Ai mund të rimarrë statusin e tij të superyllit në klub dhe të vazhdojë të fitojë një shumë të madhe parash”, përfundoi braziliani. /Telegrafi/