Instituti Hidrometeorologjik i Kosovës ka njoftuar se pas reshjeve të ditëve të fundit që përfshinë vendin tonë, situata sinoptike do të stabilizohet.

Reklama

Ky ciklon parashihet që të dobësohet për të vazhduar tutje me mot relativisht të mirë dhe me intervale të gjata me diell.

Riga të dobëta mund të ketë gjatë javës, si pasojë e zhvillimit të vranësirave lokale, por reshje siç patëm ditëve të fundit nuk parashihen.

Sot në orët e para të ditës parashihen ngrica të dobëta të cilat mund të jenë të dëmshme për disa lloje të pemëve të cilat vetëm se janë në fazën e lulëzimit.

Reklama

Temperaturat minimale do të lëvizin rreth 0 deri në 7 gradë Celsius, ndërsa maksimalet e ditës do të jenë tipike pranverore, duke lëvizur në kufijtë 10-20 gradë Celsius.

Reklama

Do të fryjë erë e lehtë deri mesatare nga drejtimet e ndryshme. /Telegrafi/