Rexha: Kalaja e Harilaqit mund të bëhet madhështore, nëse na jepen mjete financiare nga shteti

Drejtori i Institutit Arkeologjik të Kosovës, Enver Rexha ka thënë se nëse nga shteti do të kishin më shumë mjete financiare, ata do të mund të investonin në Kalanë e Harilaqit.

Rexha në një intervistë të dhënë për Telegrafin ka folur për Kalanë e Harilaqit dhe mundësitë që kjo kala të hapet si pikë turistike.

“Me na dhanë mjete materiale ne mund ta hapim lokalitetin për vizitë. Besoj se me një kosto relative kishim qenë te gatshëm ta hapim si pikë turistike. Një vizitor duhet me ardh në Kalanë e Harilaqit,  ai do të ketë njohuri mbi zhvillimin e jetës, antikës së vonë dhe mesjetës së hershme në këtë vendbanim që ka ekzistu”, deklaroi ai.

Rexha thotë se vizitorët mund të mësojnë për jetën që është zhvillu në shekullin VI, pasi ta vizitojnë Kalanë e Harilaqit.

“Vizitorët do të marrin edukate që në këtë vend ka pasur njerëz sundimtar. Do të mësojnë për  jetën e shekullit VI”, tha ai.

Drejtori i Institutit Arkeologjik të Kosovës, Enver Rexha, thotë se qytetarët duhet të vizitojnë monumente të trashëgimisë kulturore dhe ta njohin historinë e civilizimit tonë./Telegrafi/