Reshjet e fundit të shiut që përfshinë rajonin më të gjerë të Tetovës sërish kanë shkaktuar vërshime nëpër rrugët e qytetit të Tetovës. Situata më e vështirë është paraqitur në pjesën në dalje të Tetovës për në Gostivar, ku viteve të fundit është një pikë kritike ku grumbullohet sasi e madhe e ujit në rrugën kryesore tek rrethrrotullimi i Universitetit të Evropës Juglindore në Tetovë. Në këtë vend, krahas problemeve të kanalizimit të ujërave atmosferikë poashtu probleme ka pasur me ujërat e zeza. Pikë tjetër kritike viteve të fundit janë Lagjet Drenovec dhe nënkalimi në lagjen Dardania.
Në lagjen Drenovec, uji ka depërtuar edhe nëpër bodrume të disa shtëpive duke shkaktuar edhe dëme, ndërsa nuk janë kursyer edhe bizneset që janë përgjatë rrugës nga stadiumi i qytetit për në Drenovec dhe Poroj. Nga Ndërmarrja Publike Komunale në Tetovë theksojnë se problemet e këtilla me vërshimet e kanalizimit atmosferik dhe atij fekal, janë se kanalet për ujitje nuk pastrohen në kohë nga drejtoria që i ka në menaxhim këta kanale. Nga kjo ndërmarrje theksuan se me ndërtimet e reja në shumë lagje të Tetovës, këta kanale për ujitje janë bashkuar me sistemin e kanalizimit atmosferik prandaj, rrjeti nuk mund të absorbojë sasinë e reshjeve të shiut dhe ujin prej këtyre kanaleve dhe vjen deri tek vërshimet nëpër rrugë.
“Zgjidhje për këtë situatë është që kanalet për ujitje të pronave bujqësore të pastrohen në kohë, ndërsa duhet të bëhen investime edhe në ndërrimin e rrjeteve të kanalizimit atmosferik. Me një fjalë, të gjitha institucionet duhet që të marrin përgjegjësi që të rregullohen sistemet e ujitjes dhe të kanalizimit që në të ardhmen mos kemi situata të këtilla. Ne si ndërmarrje bëjmë vazhdimisht pastrimin e rrjetit të kanalizimit, por reshjet e fundit ishin intensive dhe për një kohë të shkurtër prandaj edhe kemi pasur probleme të këtilla”, thonë nga Ndërmarrja Publike Komunale në Tetovë.
Nga kjo ndërmarrje theksojnë se problemet e këtilla me kanalizimin atmosferik dhe fekal janë pothuajse dukuri e zakonshme kur ka reshje të shiut në qytetin e Tetovës. Probleme janë paraqitur edhe në pjesën tek kazerma e qytetit të Tetovës, por pas intervenimit ajo pjesë është kthyer në gjendje normale, ndërsa disa nga pronarët e bizneseve që veprojnë përgjatë kësaj zone janë ankuar se probleme ka edhe rrjeti i kanalizimit fekal dhe kanë apeluar që të merren masa që në të ardhmen të parandalohen këta probleme. Ata kanë thënë se kanë edhe dëme materiale që u janë shkaktuar pronave të tyre. Zakonisht probleme shfaqen në ato lagje të Tetovës që janë ndërtuar pas viteve të 90-ta, sidomos në pjesën e poshtme të qytetit ku mungojnë sistemet adekuate të kanalizimit atmosferik./Koha.mk/
Promo
Reklamo këtuLufta Prigozhin - Putin
Më shumëNga Rubrika
Voziste i dehur në magjistralen Ferizaj – Prishtinë, Policia i jep 200 euro gjobë dhe heqje e patentë shoferit për tre muaj
Toshkovski: Hapja e pikës kufitare në Markovën e Nogës do të jetë e rëndësishme për zhvillimin e turizmit
Prezantohen fletëvotimet për votimin në veri dhe kjo është pyetja
Xhelal Sveçla ministri më i pasur, aksionar në biznes, trashëgimtar i shtëpisë dhe lokalit
Vuçiq në konferencë me O'Brienin: Nuk na shkon mendja për luftë me Kosovën
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pahor paralajmëron plan të ri për dialogun nëse e merr detyrën e emisarit
Pasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Përplasje mes LVV e PDK në KQZ për votimin në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel