Reduktimi i marrjes së kripës me vetëm një gram do të parandalonte miliona sulme në zemër
Një studim i ri tani ka treguar qartë ndikimin e konsumit të tepërt të kripës në shëndetin publik
Kur shikonin të dhënat shëndetësore të të rriturve kinezë, autorët e studimit vlerësuan se ulja e konsumit të kripës me vetëm një gram në ditë do të ishte e mjaftueshme për të parandaluar deri në nëntë milionë raste të goditjes në tru dhe sulmit në zemër nga tani deri në vitin 2030.
Kur mendoni se katër milionë nga ata nëntë përfundojnë me fatalitet, është e lehtë të konkludohet se futja e këtij ndryshimi të thjeshtë në menynë e përditshme mund të shpëtojë miliona jetë.
Në Kinë, konsumi mesatar ditor i kripës është 11 gramë për person, që është dukshëm më shumë se pesë gramë të rekomanduara nga Organizata Botërore e Shëndetësisë (OBSH). Studiuesit përdorën të dhëna për madhësinë e popullsisë, konsumin e kripës, presionin e gjakut dhe shkallën e sëmundjeve.
Ekipi hulumtues shqyrtoi edhe dy skenarë të tjerë, përveç këtij ku konsumi i kripës do të reduktohej me vetëm një gram.
E para është reduktimi i marrjes së kripës me 3.2 gram në ditë deri në vitin 2025, që është rreth 30 për qind më pak se konsumi mesatar, dhe e dyta është reduktimi i marrjes së kripës në pesë gramë deri në vitin 2030, siç rekomandohet nga OBSH.
Nëse do të përmbusheshin këto synime, ato do të kishin një efekt të dobishëm në uljen e presionit të gjakut, kështu që mund të parandaloheshin dyfishi i vdekjeve të shkaktuara nga sëmundjet kardiovaskulare.
Qeveria kineze nisi fushatën “Kina e Shëndetshme 2030” në përpjekje për të arritur qëllimin e saj për një konsum ditor të kripës prej vetëm pesë gramësh. Nuk do të jetë e lehtë duke pasur parasysh se popullsia e tyre është 1.4 miliardë njerëz, por tashmë shifrat e marra nga ky studim janë mjaft bindëse.
“Një program për reduktimin e kripës që është i realizueshëm, koherent, i qëndrueshëm dhe i synuar në burimet kryesore aktuale dhe të ardhshme të kripës në Kinë është i nevojshëm urgjentisht,” shkruajnë studiuesit.
Sëmundjet kardiovaskulare janë shkaku i rreth 40 për qind të vdekjeve në Kinë dhe një nga shkaqet kryesore është urbanizimi, i cili sjell me vete rritjen e konsumit të ushqimeve të përpunuara, shkruan Science Alert. /KP
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre