Në bazë të parimit të reciprocitetit, Kosova ua kërkon testin PCR negativ qytetarëve të huaj të cilët hyjnë në Kosovë. Kjo mënyrë e të vepruarit nga kryetari i Odës së Mjekëve të Kosovës, Pleurat Sejdiu, po konsiderohet e panevojshme.
Reciprociteti konsiderohet si një parim i pranuar në mënyrë universale, ku një shtet miraton një sjellje të caktuar simetrike, si përgjigjje ndaj një veprimi të ngjashëm, i cili është miratuar nga shteti tjetër.
Kryetari i Odës së Mjekëve të Kosovës, Pleurat Sejdiu, thotë se masa e reciprocitetit nuk ka kurrfarë efekti në COVID-19, sëmundjen që e shkakton koronavirusi.
“Unë mendoj që ajo nuk ka kurrfarë efekti, në momentin kur një shtet e mbyll kufirin pse të mbyllim ne, pra nuk e kuptoj masën e reciprocitetit për një shtet që i mbyll kufijtë për vetë qytetarët e vet që të mos dalin. Nëse një shtet i ka mbyllur hyrjet-daljet në drejtim të Kosovës atëherë ku është logjika që ne t’i mbyllim”, thotë Sejdiu.
Testi PCR përcakton nëse virusi është aktiv, duke analizuar strishot nga hunda dhe fyti.
Edhe infektologu Hamdi Ramadani thotë se në situatën epidemiologjike, reciprociteti është i panevojshëm.
“Në kohë të pandemisë, si ekspert i kësaj fushe, nuk i kisha parë si prioritare ato masa reciproke. Testin PCR duhet ta bëjë çdo shtet në kuptimin e zvogëlimit të uljes apo parandalimit të virusit”.
“Unë mendoj që masat më të mira janë që aplikojnë edhe shtetet më të mëdha siç është izolimi, përdorimi i maskës, pastaj njerëzit kur futen nga një shtet në një shtet tjetër, të bëhet testi apo të vendosen në karantinë 12 ditore”, thotë Ramadani.
Masa në bazë të parimit të reciprocitetit
Në një nga masat e fundit që kanë hyrë në fuqi më 2 nëntor në Kosovë, thuhet:
“Të gjithë qytetarët e huaj, të cilët hyjnë në Kosovë e që vijnë nga vendet me risk të lartë sipas listës zyrtare të Qendrës Evropiane për Parandalimin dhe Kontrollin e Sëmundjeve (ECDC), duhet të dëshmojnë nëpërmjet testit RT-PCR në Sars COV-2 që janë me rezultat negativ me COVID-19, në bazë të parimit të reciprocitetit, me disa përjashtime”.
Përjashtim nga kjo masë bëjnë qytetarët gjatë hyrjes nëpërmjet Aeroportit Ndërkombëtar “Adem Jashari”, duke marrë parasysh që shtetasit e huaj vetëm do të kalojnë nëpër territorin e Kosovës dhe me kusht që në hyrje do të nënshkruajnë një deklaratë që në afat prej 3 orësh do ta lëshojnë territorin e Kosovës. Përjashtim i njëjtë bëhet edhe gjatë hyrjes në pikat kufitare tokësore, me qëllim të daljes nëpër pikat ajrore, nga Aeroporti Ndërkombëtar apo pikat tjera kufitare tokësore.
Po ashtu, për transport të organizuar me autobus ose linjë të rregullt ndërkombëtare transite, nuk nevojitet testi PCR negativ, me kusht që të nënshkruhet deklarata se do ta lëshojnë territorin e Kosovës, brenda 5 orëve.
Reciprociteti me Maqedoninë e Veriut dhe Malin e Zi
Qeveria e Maqedonisë së Veriut, në fillim të korrikut pati miratuar një vendim, sipas të cilit shtetasit e Kosovës, gjatë hyrjes në këtë shtet, duhet të kenë testin negativ PCR, jo më të vjetër se 72 orë.
Ky vendim ka qenë në fuqi deri në muajin tetor.
Një test negativ për koronavirus, jo më të vjetër se 72 orë Kosova kishte filluar të kërkojë Maqedonisë së Veriut dhe Malit të Zi në korrik, dhe këtë bazuar në parimin e reciprocitetit.
Në atë kohë, ministri i Shëndetësisë në Qeverinë e Kosovës, Armend Zemaj, kishte shkruar në rrjetin social Facebook se vendimi i Qeverisë së Kosovës është i bazuar në parimin e reciprocitetit.
Ai pati thënë se testi PCR negativ u kërkohet vetëm qytetarëve që vijnë nga shtetit, të cilat kërkojnë nga qytetarët e Kosovës që të kenë testin RT-PCR, për të hyrë në territorin e tyre.
“Bazuar mbi këtë parim të reciprocitetit, qytetarëve të Maqedonisë së Veriut dhe atyre të Malit të Zi, u kërkohet testi RT-PCR, për të hyrë në territorin e Republikës së Kosovës. Testi RT-PCR nuk u kërkohet qytetarëve që vijnë nga Republika e Shqipërisë dhe ajo e Serbisë”, pati shkruar ministri Zemaj.
Radio Evropa e Lirë ka provuar të merr përgjigje nga Ministria e Shëndetësisë lidhur me këtë parim të reciprocitetit, por nuk ka arritur të kontaktojë dikë nga zyrtarët e këtij dikasteri.
Në Kosovë, numri i të prekurve me COVID-19 javëve të fundit ka shënuar rritje të madhe.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për më shumë se 22 mijë raste. /rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Mickoski mund ta ftojë VLEN-in për kafe, por në Qeveri mund ta marrë vetëm si pjesë e koalicionit “Maqedonia përsëri e jotja”
Voziti me fëmijë në prehër – policia e dënon me 400 euro gjobë, 5 pikë negative dhe i merret patent shoferi për 6 muaj
Bytyqi: Një vit e gjysmë punuam në planin e rritjes, të ndërmarrim të gjitha proceset reformuese
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
Në Gjakovë zbulohet monumenti i Skënderbeut
Gruaja që vdiq në Spitalin e Prizrenit ishte 24-vjeçare, shtatzënë
Lajçak tregon se çfarë përshtypje i kanë lënë Kurti dhe Vuçiq gjatë bisedimeve Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City