Rebecca Loos pretendon se e gjeti David Beckham në shtrat me modelen spanjolle në mes të aferës së tyre

Rebecca Loos, gruaja që kishte një lidhje të supozuar me David Beckham në fillim të viteve 2000, kujtoi se ishte “aq e lënduar” kur dyshohet se e gjeti atë në shtrat me një grua tjetër.

Ish-asistentja personale, 46 vjeçe, pretendoi se ishte në një festë me lojtarin e atëhershëm të Real Madridit, 48 vjeç, i cili ishte “i fshehur në fund të kopshtit” duke folur me një modele spanjolle.

“Kjo dhemb”, tha Loos për Daily Mail Sunday, ndërsa kujtoi festën në shtëpinë e legjendës së futbollit Ronaldo Nazario më 22 shtator 2003.

“Kishte ushqim të mrekullueshëm, një grup samba nga Brazili dhe shampanjë”, tha ajo.

Megjithatë, nata e saj mori një kthesë kur gruaja e Davidit, Victoria Beckham, i ra telefonit.

“Ajo është e mërzitur sepse po telefonon Davidin dhe ai nuk po përgjigjet”, shpjegoi Loos.

“Unë thashë se nuk e di ku ishte. Dhe ajo thotë, ‘Mos e mbyll telefonin, shko dhe gjeje atë”, vazhdoi ajo.

“Isha si, ‘OK…’ ‘Pra, është pak e vështirë. Hyra në shtëpi dhe u ngjita shkallëve dhe pashë dy truprojat e Davidit jashtë një dere”, tregoi tutje modelja.

Bukuroshja holandeze i tha sigurimit të yllit të futbollit se gruaja e tij ishte në telefon dhe një nga truprojat u “zhduk” menjëherë brenda dhomës së gjumit.

“Kur u kthye Davidi është me të. E shoh modelen shtrirë në krevat. Unë mund të shoh se është një dhomë gjumi.

Isha e tërbuar dhe thjesht e shikova, i dhashë telefonin dhe i thashë ‘Gruaja jote’”, pretendoi Loos.

Ish-kapiteni i Anglisë dyshohet se foli me yllin e Spice Girls, 49 vjeç, përpara se t’ia kthente telefonin Loos.

“Isha shumë e lënduar”, tha ajo.

“Ishte vetëm kjo ndjenjë e tmerrshme dhe mendova me vete, ‘budallaqe’,” vazhdoi ajo.

Loos zbuloi fillimisht lidhjen e saj të supozuar me atletin e martuar në një intervistë bombë të vitit 2004.

“Duhet të mbani mend, ai është një burrë i martuar. Po sikur të jetë në drekë me Victoria? Duhet të prisni që ai të vijë tek ju”, tha ajo për Sky News në atë kohë.

David mohoi akuzat e Loos, së bashku me disa gra të tjera që pretenduan se ishin të lidhur në mënyrë romantike me bashkëpronarin e Inter Miami ndërsa ai ishte i martuar.

Lexo po ashtu Rebecca Loos thyen heshtjen në rrjetet sociale për skandalin e tradhtisë së David Beckham, pas rishfaqjes së historisë në dokumentarin e ri të Netflix "Beckham"

“Unë nuk e di se si e kaluam atë”, tha David në dokumentarin “Beckham” të Netflix, i cili u publikua në fillim të këtij muaji.

“Victoria është gjithçka për mua. Për ta parë atë të lënduar ishte tepër e vështirë, por ne jemi luftëtarë”, shtoi ai. “Ne kishim nevojë të luftonim për njëri-tjetrin dhe për familjen tonë. Ajo që kishim ia vlente të luftonim”.

Loos tani ka dy djem me mjekun norvegjez Sven Christjar Skaiaa, me të cilin u martua në vitin 2012. /Telegrafi/