Real Madridi planifikon që Dean Huijsen t’i nënshtrohet vizitave mjekësore këtë javë, sipas mediave spanjolle, me mbrojtësin që tashmë ka arritur marrëveshje me mbretërit.
Bournemouth tashmë e ka miratuar planin nga Real Madridi, pasi Dean është lejuar të fluturojë sapo marrëveshja të nënshkruhet në orët e ardhshme në çdo detaj.
Shkëmbimi i dokumenteve midis klubeve ka filluar sepse dje u arrit një marrëveshje midis Real Madridit dhe Bournemouth për pagesën e klauzolës prej 60 milionë eurosh që do të paguhet gjatë tre viteve. Pritet që transferimi të zyrtarizohet së shpejti nga të dyja palët.
Mbrojtësi spanjoll mbërriti në Bournemouth vitin e kaluar nga Juventusi në një transferim me vlerë 15.2 milionë euro. Ai ka luajtur edhe më parë në Romë dhe është rritur në sistemin e të rinjve të Juventusit dhe Malagas.
Këtë sezon, ai bëri 34 paraqitje në të gjitha garat, ku shënoi tre gola dhe dha një asistim.
20-vjeçari debutoi për ekipin kombëtar spanjoll dy muaj më parë dhe ka bërë dy paraqitje. /Telegrafi/
