Real Madridi me gjashtë mungesa të mëdha në ndeshjen ndaj Liverpoolit

Real Madridi e di se çdo gjë tjetër përveç një fitoreje nga udhëtimi i tyre në Anfield për t’u përballur me Liverpoolin do t’i lërë ata jashtë tetë më të mirëve të fazës së grupeve të Ligës së Kampionëve. Carlo Ancelotti duhet të gjejë një mënyrë për të mposhtur ekipin më në formës në Angli pa gjashtë lojtarë kyç.

Los Blancos në mbrojtje po vuajnë, me Eder Militao dhe Dani Carvajal jashtë për pjesën tjetër të sezonit me lëndime të ligamenteve kruciale. David Alaba është ende duke u rikuperuar nga i njëjti problem që pati edhe sezonin e kaluar.

Ndërkohë dyshja braziliane Vinicius Junior dhe Rodrygo Goes janë jashtë fushës për shkak të lëndimeve muskulore.

Lajmi i mirë është se Lucas Vazquez është përfshirë në skuadrën e tyre, duke u dhënë potencialisht një tjetër opsion si mbrojtës i djathtë, por një nga opsionet e mundshme për t’u plotësuar në qendërmbrojtës do të ishte Aurelien Tchouameni, i cili gjithashtu nuk është kthyer ende nga një problem i muskujve.

📋 Squad list for Wednesday’s match against Liverpool. VAMOS 💪

Players NOT called up:

◉ Due to injury: Militão, Alaba, Carvajal, Vinícius, Tchouaméni & Rodrygo. pic.twitter.com/YEHKGsKxKs

— Real Madrid News (@onlyrmcfnews) November 25, 2024

Produkti i ri i akademisë, Raul Asencio, pritet të luajë në Anfield vetëm ndeshjen e tij të tretë për ekipin a parë si qendërmbrojtës me Antonio Rudiger.

Në sulm, Kylian Mbappe ka të ngjarë të jetë në të majtë me Jude Bellingham mbrapa në rolin e 10shit dhe njërin nga Brahim Diaz, Endrick Felipe apo edhe Arda Guler duke luajtur përkrah tyre gjithashtu. /Telegrafi/