Real Madridi fiton edhe ndeshjen e dytë ndaj Atalantas, futet në tetë më të mirat e Evropës

Real Madridi ka arritur të shënojë fitore ndaj Atalantas me rezultat 3-1 në kuadër të 1/8 së Ligës së Kampionëve.

Fillimi i ndeshjes i takoi italianëve që ushtronin presion të thellë në fushën e mbretërve, duke krijuar edhe disa gjysmëraste.

Por goli i parë erdhi nga aksioni i konkretë i Real Madridit.

Luka Modric mori një top dhe u fut në zonë, duke asistuar te Karim Benzema që shënoi për 1-0.

https://twitter.com/ElForastero1982/status/1371922980410888195

Në pjesën e parë më nuk kishte gola.

✂️ Ctrl+C, Ctrl+V
👉 @Benzema goal!#UCL pic.twitter.com/F8ymWYvbUI

— Real Madrid C.F. 🇬🇧🇺🇸 (@realmadriden) March 16, 2021

Në pjesën e dytë Vinicius Junior që është prej më të mirëve në fushë, krijoi një rast shumë të mirë për Real Madridin në minutën e 53-të, kur mori një top nga e majta, u fut në zonë, duke kaluar tre lojtarë italianë, por gjuajtja e tij shkoi jashtë.

Ishte pikërisht Vinicius ai që fitoi penallti në minutën e 57-të, duke u futur bukur në zonë ku u pengua nga Rafaele Toloi.

Nga pika e bardhë doli të jetë i saktë Sergio Ramos për 2-0, duke shuar shpresat e italianëve.

https://twitter.com/ElForastero1982/status/1371933828969852928

Atalanta golin e nderit e shënoi në minutën e 83-të, kur Luis Muriel me një gjuajtje të bukur nga goditja e dënimit shënoi për 2-1.

https://twitter.com/ElForastero1982/status/1371939630388539400

Por gëzimi nuk zgjati shumë dhe Marco Asensio shënoi për 3-1, që ishte edhe rezultati final i këtij takimi.

https://twitter.com/ElForastero1982/status/1371940181197139972

Real Madridi kalon në çerekfinale me rezultat të përgjithshëm 4-1. /Telegrafi/