Real Madridi duhet të ketë kujdes, presidenti i La Ligas thotë se Barcelona mund të rikthehet në krye

Pavarësisht se është tetë pikë prapa vendit të parë në ligë me 12 ndeshje të mbetura për të luajtur, presidenti i La Ligës , Javier Tebas beson se gara për titull është larg përfundimit për Barcelonën.

Duke folur për mediat spanjolle, Tebas ka thënë se gara për titullin e kampionit ende nuk ka mbaruar në elitën e futbollit spanjoll La Liga.

I pari i La Ligas ka thënë se Barcelona ka lojtarë shumë të mirë dhe pesë ndeshjet e fundit tregojnë se ata janë në formë të lartë.

Lexo po ashtu Tebas konfirmon se do të paraqitet në ankesën ndaj Real Madrid TV

“Nuk ka mbaruar ende, sigurisht. Barça ka lojtarë shumë të mirë, të rinj dhe me një projekt të mrekullueshëm. Vetëm shikoni pesë ndeshjet e fundit”.

Tutje Tebas ka thënë se ai ka parë më parë rikthim të çmendur të Realit që kanë shkrirë diferencën e 10 pikëve për të dalë kampion.

“Kujdes, ata mund të kthehen përsëri në krye. Unë kam parë rikthim të Real Madridit prej 10 pikësh dhe kanë mbetur edhe shumë ndeshje, kështu që…”, shtoi ai.

Lexo po ashtu A do të detyrohet Real Madridi të shesë një nga yjet e tyre pas transferimit të Mbappes – tregon presidenti i La Ligas

Katalanasit janë aktualisht në një seri prej gjashtë ndeshjesh pa humbje, duke shfaqur një vendosmëri të re që nga njoftimi i Xavi për largimin e tij në fund të sezonit.

Duket se skuadra është bashkuar, duke synuar të përfundojë sezonin me nota të larta për trajnerin e tyre.

Ndërsa fitimi i titullit të ligës nuk do të jetë i lehtë, është padyshim i arritshëm pasi 36 pikë janë në lojë. /Telegrafi/