Reagojnë partitë politike pas fjalimit të Ivanov

Reagojnë partitë politike pas fjalimit të Ivanov

Pas fjalimit të presidentit Ivanov me reagime dhe vlerësime të tyre kanë dalë partitë politike të bllokut politik maqedonas, transmeton Telegrafi Maqedoni.

Nga LSDM thonë se fjalimi i sotëm i presidentit Ivanov ka vërtetuar se jo vetëm që ai është ai paaftë por edhe i pallogaritshëm dhe i rrezikshëm derisa e kryen funksionin.

„Në kaosin personal në të cilën gjendet Ivanov, u përpoq pa sukses ta mbrojë vendimin e turpshëm për falje të cilin vetë e solli dhe vetë e tërhoq. Në vend që në emër të të gjithë qytetarëve siç i ngjan në presidenti të shtetit, Ivanov u prezantua në shërbim të familjes kriminale e cila e ka sunduar Maqedoninë për 10 vite “- qëndron mes tjerash në njoftimin e LSDM.

Ata konsiderojnë që i vetmi vendim i drejtë që mund ta merr ai është që të jep dorëheqje dhe të largohet nga funksioni të cilin e ka devalvuar deri në maksimum.

Nga Lidhja demokratike e Pavle Trajanovit konsiderojnë se në fjalimin e sotëm të presidenti Ivanov në mënyrë plotësuese e vështirëson krizën politike në Maqedoni.

„Ivanov bëri ndarje të thellë midis qytetarëve dhe partive, u vendos në funksion dhe mbrojtje të kreut OBRM-PDUKM dhe e sulmoi PSP, i vetmi institucion i cili punon në mënyrë profesionale dhe transparente“, thuhet në njoftimin e LD./Telegrafi/