Rashford bën një sakrificë tejet të madhe për të siguruar kalimin tek klubi i ëndrrave

Marcus Rashford është i gatshëm të rinegociojë pagën e tij aktuale për të siguruar transferimin tek klubi i ëndrrave dhe largimin nga Manchester United. 

Para hapjes së afatit kalimtar të janarit, Rashford pranoi se ai është i gatshëm për një aventurë të re, vetëm pak ditë pasi u la jashtë nga Ruben Amorim për sfidën me Manchester Cityn. 

Rashford, i cili nuk u paraiqt për Unitedin që prej duelit ndaj Viktoria Plzen në Ligën e Evropës më 12 dhjetor, është lidhur me një sërë klubesh të tjera evropiane. 

Borussia Dortmund, West Ham, Arsenal dhe AC Milan që të gjitha janë përmendur, ani pse paga e tij e lartë po vazhdon të jetë një pengesë e madhe në negociata. 

Me këtë në mendje, Rashford është i gatshëm të pranojë një ulje të pagës në mënyrë që t’i bashkohet Barcelonës, me lojtarin që ka vendosur tashmë se dëshiron kalimin në Spanjë. 

‘Djajtë e Kuq’ në anën tjetër poashtu janë të gatshëm që të financojnë një pjesë të pagës së tij prej 300 mijë eurosh në javë, për të siguruar largimin e tij si huazim. 

Përkundër faktit se e bëri publike dëshirën e tij për një aventurë të re, persona afër Rashford kanë thënë se anglezi është i gatshëm të jap gjithçka për Unitedin sa herë që ka nevojë ekipi./Telegrafi/