Rapahel Varane me parashikim interesant për Manchester United rreth Ligës Kampionëve

Raphael Varane ka këmbëngulur që Manchester United ka kualitetin e duhur për të shkuar deri në fund në Ligën e Kampionëve, pavarësisht fillimit të vështirë të sezonit.

United do të mirëpresë në “Old Trafford” ekipin turk të Galatasaray mbrëmjen e së martës dhe vetëm një fitore do t’i rregullonte gjërat për ekipin e Ten Hag, pas humbjes në sfidën hapësë të grupit A ndaj Bayern Munich.

“Djajtë e Kuq” hyjnë në këtë takim pas humbjes me rezultat minimal 1-0 në shtëpi ndaj Crystal Palace, humbje kjo që ka bërë që ata të zbresin në pozitën e 10-të në Ligën Premier pas vetëm shtatë xhirosh të zhvilluara.

Lexo po ashtu Sagës së stërzgjatur për shitjen e Man United po i vjen fundi - caktohet muaji kur mund të shitet klubi anglez

Varane e pranon se United duhet të përmirësohet shpejtë, por ai nuk sheh ndonjë aryse pse ata nuk mund ta fitojnë Ligën e Kampionëve, duke marrë parasysh kualitetin që posedojnë si ekip.

Francezi u pyet nëse United mund ta imitojë ish-klubin e tij Real Madridin në kompeticionin elitar të Evropës.

“Po, mendoj se po. Cilësia është në skuadër. Gara është e vështirë, duhet të kujdeseni për çdo detaj, por ne kemi një ekip cilësor me mentalitet të mirë, duhet të bëjmë disa përmirësime, nuk ishte fillimi i sezonit që prisnim, por unë ende besoj se kemi cilësinë për të konkurruar me skuadrat më të mira në botë”, u shpreh Varane.

“Unë mendoj se gara ka të bëjë me detajet dhe duhet të jesh efikas për të fituar trofeun. Në momentet e fundit na duhet më shumë efikasitet, është një numër i vogël i rasteve që pësojmë gola dhe duhet të krijojmë më shumë për të shënuar. Ky është realiteti i nivelit të lartë, ju duhet të jeni efikas për të fituar trofe. Ne kemi cilësinë në skuadër për të fituar trofe. Ne duhet të ecim përpara dhe të përmirësohemi”, shtoi fituesi i Kupës së Botës.

Humbja e United kundër Palace konfirmoi startin e tyre më të keq të sezonit që nga viti 1989, me vetëm nëntë pikë të marra nga shtatë ndeshjet e tyre të para.

Lexo po ashtu Humbja ndaj Palace krijon kaos te United, Ten Hag godet yllin e ekipit: Morëm vendime të gabuara

Kauza e Ten Hag nuk është ndihmuar nga një krizë dëmtimesh në mbrojtje, me Lisandro Martinez, Luke Shaw, Aaron Wan-Bissaka dhe Sergio Reguilon të gjithë aktualisht jashtë fushës./Telegrafi/