Ekipe mobile për të votuar të infektuarit me COVID-19 dhe të vetizoluarit

Të gjithë qytetaret të cilët për shkak se kanë rezultuar pozitiv me COVID – 19 dhe ata që janë në vetizolim, KQZ, ju mundëson votimin përmes ekipeve mobile.

Kështu është bërë e ditur nga KQZ-ja, ku thuhet se do të kontaktojë të gjithë qytetarët të cilët janë në listën e IKSHPK, deri me datën 15 tetor si persona të infektuar me COVID – 19 dhe ata që janë në vetizolim, pa pasur nevojë për ndonjë regjistrim paraprak.

Për të votuar, qytetarëve të infektuar me COVID -19 dhe ata që janë në vetizolim, u dërgohet ekipi lëvizës në adresën e votuesit të regjistruar për të votuar;

Anëtarët e ekipit lëvizës do të jenë të pajisur me maskë, mantel, dorëza dhe mjete për dezinfektim;

Nëse ju si votues nuk keni pajisje mbrojtëse në shtëpi, ekipi lëvizës do t’iu sigurojë maskë dhe dorëza për mbrojtje gjatë votimit;

Me qëllim të identifikimit, votuesi e tregon një dokument të vlefshëm identifikimi para ekipit lëvizës dhe largon maskën në kohë të shkurtër derisa të identifikohet;

Nënshkruheni në listën votuese;

Para se të merrni fletëvotimet, ju duhet t’i dezinfektoni duart;

Së bashku me fletëvotimet, ekipi lëvizës do t’iu jap një zarf të veçantë për të vendosur fletëvotimet, në mënyrë që të ruani fshehtësinë e votës;

Ju duhet të keni hapësirë për të votuar në mënyrë të fshehtë dhe të pavarur;

Pasi të keni votuar, fletëvotimet i vendosni në zarf të veçantë, të cilin e mbyllni dhe e vendosni në kutinë e votimit;

Pas votimit, ju duhet që sërish t’i dezinfektoni duart;

Me qëllim të mbrojtjes së identitetit të votuesve të infektuar me COVID – 19 dhe votuesve të izoluar, nuk do të lejohet fotografimi dhe filmimi i procesit të votimit;

Komisioni Qendror i Zgjedhjeve kërkon mirëkuptimin e qytetarëve për zbatimin e këtyre masave të domosdoshme me qëllim të mbrojtjes së shëndetit.

Për informata shtesë kontaktoni këtë linjë ndihmëse pa pagesë: 0800 55 555. /Telegrafi/