Rritja e çmimit të derivateve në botë pritet që drejtpërdrejtë të ndikojë edhe në shtrenjtimin e produkteve tjera, pasi në Kosovë sasia më e madhe e mallrave importohen nga shtetet e Bashkimit Evropian dhe ato të rajonit.
Këto rritje kanë bërë që qytetarët të dalin të pakënaqur dhe të presin reagime nga qeveritarët.
Burim Krasniqi për KosovaPress, ka thënë se po pret që Qeveria të gjejë një formulë dhe modalitet që të subvencionojë, që këto çmime të jenë të arsyeshme.
“Unë vlerësoj që duhet që Qeveria të gjejë një formulë dhe modalitet që të subvencionojë, që çmimet e naftës të jenë të arsyeshme për operim normal në treg, por edhe për bujqit që të dalin me produkte bujqësore sa më të lira, me qëllimin e vetëm që të jenë konkurrentë në tregun vendor dhe ndërkombëtar. Në të kundërtën, pritet që prodhimi bujqësor nuk do të jetë i mirë fatkeqësisht, pra do të kemi rritje të çmimeve në përgjithësi të produkteve bujqësore”, tha Krasniqi.
Krasniqi gjithashtu përmend edhe rritjet e çmimeve të biletave të autobusëve, dhe vlerësoi që një rritje e vazhdueshme do të ndikojë në falimentimin e bizneseve.
“Te çmimi, te transporti i udhëtarëve me autobusët kemi rritje të çmimeve sa i përket biletave të autobusëve në transportin ndër-urban. Nëse ndodh një fenomen i tillë, do të ketë rritje të vazhdueshme që nënkupton që ka për të humbur varshmërinë e shfrytëzimit të transportit publik, që rrezikon falimentimin e bizneseve sidomos atyre që operojnë transportin ndër-urban”, u shpreh Krasniqi.
Ndërsa, Shemsedin Thaçi, tha që ndërhyrja e Qeverisë do të ndikonte në stabilizim të gjendjes, të quajtur sipas tij gjendje e rënduar e popullit të Kosovës.
“Rritja e çmimit të naftës është trend botëror, por Qeveria duhet të ndërhyjë duke zbritur tatimet, akcizën, të ndikojë që sado pak të stabilizohet gjendja edhe ashtu e rënduar e popullit të Kosovës”, tha Thaçi.
Derisa, kishte edhe prej atyre, që rritjet e këtyre çmimeve i konsideroi si normale, për faktin që Kosova është një shtet që nuk prodhon. Megjithatë sipas Shefqet Islamit, kjo po ndodh sikurse edhe në vendet e tjera të botës.
“Kjo është rritje në krejt botën, Kosova as nuk prodhon e as nuk e shtrenjton, kur shtrenjtohet në hapësirë shtrenjtohet edhe këtu… Rritja e çmimeve shkon krejt në bazë të rritjes së naftës, pasi që nafta i rrit të gjitha çmimet”, tha Islami.
Ndryshe, Pas shtrenjtimit të naftës në tregun tonë deri 1.65 euro, qeveria ka marrë vendim që ta subvencionojë çmimin e naftës për bujqit në vlerë prej 5 milionë euro ose 36 centë për një litër.
Në raport për rrethanat e krijuara, bujqit përpos naftës do të subvencionohen edhe për plehërim pranveror, 150 euro për hektar për grurin, kurse nga 100 euro për hektar për kulturat e misrit, patates dhe fasules.
Ndërkaq, për grurin përveç subvencionimit prej 150 euro për hektar, do të bëhet subvencionimi prej 3 centë për një kilogram për dorëzim në mulli. Në total, sipas qeverisë, duke përfshirë këtu subvencionimin e sipërfaqes, rendimentit, plehërimit pranveror dhe naftës, kultura e grurit po subvencionohet për 474 euro ose 320 euro më shumë.
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Të shtëna me armë në Lupç të Podujevës, katër të plagosur
Ndalohen për 48 orë pesë të dyshuar për rastin e plagosjes në Lupç
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Prokuroria jep detaje për plagosjen e katër personave në Lupç të Podujevës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit