Qofte të pjekura me djathë: Një pjatë shumë e shijshme

Qoftet me djathë janë një version i shijshëm dhe i lëngshëm i qofteve “të zakonshme”

Rikota u jep atyre një notë kremoze dhe teksturë delikate, duke i bërë më të lehta se qoftet klasike dhe shija e tyre është e përkryer.

Mund t’i përgatisni me mish gjeldeti, viçi, derri ose me një kombinim mishi sipas dëshirës tuaj.

Qoftet me djathë rikota piqen në furrë dhe më pas zhyten në një salcë domatesh të trashë. Ju gjithashtu mund të përdorni salcën e blerë në dyqan për të kursyer kohë gjatë përgatitjes. Shërbejini me pjatën e zgjedhjes suaj – vetëm marule, patate, oriz ose makarona.

Sasia e përbërësve në këtë recetë është e mjaftueshme për 4 porcione të bollshme, transmeton Telegrafi.

Përbërësit:

Për qoftet:

▪ 450 gr mish gjeldeti ose viçi i grirë
▪ 125 gr djathë rikota
▪ 60 gr parmigiano
▪ 30 g thërrime buke
▪ 1 lugë çaji hudhër pluhur
▪ 1 lugë çaji kripë
▪ 1/2 lugë çaji përzierje erëzash
▪ vaj ulliri, për lyerjen e tepsisë

Për salcën:

▪ 800 ml salcë domatesh të gatshme
▪ 15 g thërrime buke
▪ 30 gr parmigiano
▪ 2 lugë çaji vaj ulliri
▪ 1 lugë çaji majdanoz, i grirë imët

Përgatitja:

Ngroheni furrën në 200 gradë. Përziejini të gjithë përbërësit për qoftet dhe formoni rreth 20 topa të vegjël.

Enën rezistuese ndaj zjarrit e lyeni me vaj ulliri dhe i radhisni qoftet.

Piqni për 20-25 minuta në mes të furrës.

Hiqni me kujdes qoftet nga ena, por mos e fikni furrën.

Salcën e gatshme të domates e derdhni në enën e furrës me qoftet dhe e përzieni mirë.

Përzieni thërrimet e bukës, djathin parmigiano, 2 lugë çaji vaj ulliri dhe majdanozin në një enë të vogël.

Masën e përgatitur spërkateni sipër qofteve në salcë.

Kthejeni enën në furrë për 5-7 minuta.

Aktivizoni ventilatorin dhe piqni edhe për 2-3 minuta derisa thërrimet të bëhen krokante.

Shërbejeni të ngrohtë dhe shijoni.

Ju bëfshin mirë! /Telegrafi/