Qeveria egjiptiane do të zhvendoset në ‘kryeqytetin e ri’ në dhjetor

Qeveria egjiptiane do të fillojë të lëvizë në “kryeqytetin e ri” të vendit, në lindje të Kajros, muajin e ardhshëm, tha një zyrtar presidencial të mërkurën.

Sipas mediave të huaja, përcjell Telegrafi, kryeqyteti i ri administrativ, i nisur në vitin 2015, është skema kryesore e ndërtimit në një varg mega-projektesh të ndërmarra nga presidenti egjiptian Abdel-Fatah al-Sissi.

Në fillim të këtij viti, al-Sissi, i cili mori detyrën në vitin 2014, tha se inaugurimi i “kryeqytetit të ri” do të shënonte lindjen e një republike të re në Egjipt.

Al-Sissi ka udhëzuar qeverinë që të fillojë zhvendosjen e zyrave të saj në një qark qeveritar në “kryeqytetin e ri” që nga dhjetori, tha zëdhënësi presidencial Bassam Radi në një deklaratë në internet.

I vendosur 45 kilometra në lindje të Kajros, ajo hapësirë shtrihet në 170,000 hektarë.

Është planifikuar gjithashtu të strehojë parlamentin, një qendër biznesi, një aeroport, një park të madh publik dhe kullën më të lartë të Afrikës midis objekteve të tjera.

Kur të përfundojë, kryeqyteti ende i paidentifikuar do të strehojë rreth 6.5 milionë njerëz për të lehtësuar presionin mbi Kajron e vjetër dhe të populluar, sipas zyrtarëve qeveritarë. /Telegrafi/