Qeveria e RMV-së: Propozim-ligji për ndihmë financiare, pagesat do të fillojnë nga ky muaj
Në seancën e sotme qeveritare është konstatuar propozim-ligji për mbështetje financiare të kategorive të cënueshme të qytetarëve, që ka për qëllim të ndihmojë në përballjen me efektet e krizës energjetike dhe të çmimeve.
Nga Qeveria njoftojnë se zgjidhja ligjore, që është propozim i Ministrisë për Punë dhe Politikë Sociale, tani do të dërgohet në Kuvend, ku pritet të miratohet me procedurë të shkurtër, kurse pagesa e mjeteve të nis që nga ky muaj.
Në kategorinë e cënueshme të qytetarëve, që sipas propozim-ligjit u takon ndihma në të holla, hyjnë:
-Shfrytëzuesit e shtesës së veçantë;
-Shfrytëzuesit e të drejtës së kompensimit për shkak të pengesave;
-Prindër të vetëm, që janë evidentuar si shfrytëzues të ndihmës së garantuar minimale;
-Pensionistë me pensione deri 19.000 denarë;
-Nxënës të shkollave fillore dhe të mesme, familjet e të cilëve kanë të ardhura mujore të pagës-neto deri 50.000 denarë
-Studentët që jetojnë jashtë vendit të tyre të lindjes.
Sipas propozim-ligjit, në pesë muajt e ardhshëm, duke nisur nga dhjetori 2023, ndihmë financiare prej 2.000 denarëve në muaj do të marrin shfrytëzuesit e shtesës së veçantë, shfrytëzuesit e të drejtës së kompensimit për shkak të pengesave dhe prindërit e vetëm që janë evidentuar si shfrytëzues të ndihmës së garantuar minimale.
Mbështetja financiare për shfrytëzuesit e të drejtës së pensionit në lartësi prej 19.000 denarëve, për pesë muaj, gjithashtu parashihet të nis pagesa ng ky muaj;
-3.000 denarë në muaj për pensionistët që kanë realizuar të ardhura në bazë të pensionit në nivel mujor jo më shumë se 14.000 denarë në muajin paraprak;
-2.000 denarë në muaj për pensionistët që kanë realizuar të ardhura nga pensioni në nivel mujor prej 14.001 deri në 16.000 denarë nga muaji paraprak;
-1.500 denarë në muaj për pensionistët që kanë realizuar të ardhura nga pensioni në nivel mujor prej 16.001 deri në 19.000 denarë nga muaji paraprak;
-Nxënësit e shkollave fillore dhe të mesme familjet e të cilëve kanë të ardhura mujore deri në 50.000 denarë, do të marrin nga 1.200 respektivisht 1.800 denarë në muaj në 6 muajt e ardhshëm duke nisur nga dhjetori 2023;
-Për studentët që jetojnë jashtë vendit të studimeve parashihet ndihma në të holla në lartësin e biletës mujore për trafik ndërurban nga vendbanimi i studentit deri në vendin e studimit, në vlerë jo më pak se 600 denarë dhe maksimalisht 1.200 denarë në muaj, për shtatë muajt e ardhshëm, duke nis nga dhjetori 2023.
Pagesa e ndihmës në të holla për katër kategoritë e qytetarëve parashihet të bëhet pa dorëzimin e kërkesës nga ana e shfrytëzuesve, respektivisht do të bëhet në bazë të të dhënave nga Qendrat për Punë Sociale dhe Fondit për Sigurim Pensionalo-Invalidor.
“Data e pagesës së mbështetjes financiare parashihet të publikohet në ueb-faqen e Sekretariatit të Përgjithshëm të Qeverisë, Ministrisë për Puën dhe Politikë Sociale, Fondit për Sigurim Pnesionalo-Invalidor dhe Ministrisë së Arsimit dhe Shkencës, më së voni deri më datën 05 të muajit” – thonë nga Qeveria.
Nxënësit e shkollave fillore dhe të mesme që plotësojnë kushtet për ndihmë në të holla, sic percjell KlanM, do të duhet të paraqiten në thirrje që do të publikohet nga MASH-i.
“Paraqitja dorëzohet në shkollën ku nxënësi është i regjistruar. Për nxënësit që nuk janë paraqitur ose nuk i kanë plotësuar kushtet për të marrë ndihmë financiare në thirrjet paraprake, parashihet që MASH-i për çdo muaj të shpall thirrje, më së voni deri në datën 05 të muajit, kurse thirrja zgjat 7 ditë nga dita e publikimit” – informojnë nga Qeveria.
Në thirrjen që do të publikohet në ueb-faqen e MASH-it, në afat prej 7 ditëve, do të duhet të paraqiten edhe studentët që plotësojnë kushtet për ndihmë financiare. Duhet të paraqiten në aplikacionin e-uslugi.mon.gov.mk dhe t`i shënojnë të dhënat e nevojshme.
Pas kontrollimit të të dhënave MASH-i në pesë ditëve të punës nga dita e paraqitjes do të konstatojë nëse kërkesa për ndihmë financier është pranuar ose refuzuar.
“Për studentët që nuk janë paraqitur ose nuk i kanë plotësuar kushtet për të marrë mbështetje financiare në thirrjet paraprake, parashihet që MASH-i të shpall thirrje çdo muaj, më së voni deri në datën 05 të muajit. Në propozim-ligjin parashihet edhe obligimi i Universiteteve shtetërore, çdo muaj, më së voni deri në datën 10 të muajit, në MASH të dorëzojnë listën e studentëve të rregullt për muajin paraprak, me qëllim të kontrollimit të të dhënave” – thuhet në komunikatën e Qeverisë.
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe