Bujë e madhe u bë kur u ndalën maunet me naftë dhe gazë nga Serbia, si shkak i masave të reciprocitetit që Kosova i vendosi shtetit fqinjë. Por për asnjë ditë nuk është ndalur importi i derivateve nga Serbia në Kosovë, pasi që naftëtarë kanë gjetur mënyrën se si ta sfidojnë vendimin e shtetit.
Nga data 23 mars kur u ndal mauna e parë në pikën kufitare në Merdare, sipas të dhënave që Gazeta Fjala ka siguruar nga dogana, në territorin e Kosovë kanë hyrë plotë 173 mijë e 940 litra gaz.
Ndonëse vendimi i marrë nga shteti parasheh mosnjohjen e certifikatave të ADR-së për automjetet si dhe certifikatat e ADR-së për shoferët, të cilat janë të lëshuara nga autoritetet serbe për transportuesit e Serbisë, disa naftëtarë kanë shfrytëzuar dokumentacionin e automjeteve dhe shoferëve nga shtete fqinje të bartin derivate “Made in Serbia”.
Gazeta Fjala mëson se importuesit e gazit tani kanë angazhuar shofer dhe automjete të regjistruara në Maqedoni ndaj të cilave nuk ka ndalesë në Kosovë. Kështu ata pa asnjë problem transportojnë gazin nga Serbia në Kosovë.
Gjatë kësaj periudhe nuk është importuar asnjë litër naftë në rrugët legale.
Këtë e konfirmojnë zyrtarët doganorë dhe kryetari i Shoqatës së Naftëtarëve.
Fadil Beriani nga Shoqata e Naftëtarëve të Kosovës ka thënë për Gazetën Fjala se një variant i tillë është i mundshëm për futjen e këtyre derivateve në Kosovë.
“Informatat qysh po qarkullojnë janë disa importues, duke importuar me automjete të Maqedonisë. Mundësia ekziston pasi që auto-transportuesi është i Maqedonisë me dokumente të këtij shteti”, ka treguar Berjani.
Sipas tij, me ata që vazhdojnë të importojnë edhe pas vendimit për ndalim duhet të merret shteti.
Ministrja e Tregtisë dhe Industrisë Hykmete Bjarami e vuri firmën e saj në këtë vendim pasi që Serbia nuk ishte e gatshme të gjejë një zgjidhje për njohjen reciproke të dokumentacionit përcjellës për transportuesit e derivateve. Madje as pas takimit të fundit që kanë mbajtur me CEFTA-n me 3 mars të dy vendet.
Bajrami thotë se e vendosën këtë masë si kundërpërgjigje ndaj barrierave që shteti Serb u kishte vëne shoferëve të Kosovës tash e 8 muaj.
“Për 8 muaj rresht ne kemi biseduar ne CEFTA dhe ne Bruksel por të mos ardh deri te kjo situate, këtu fajtore janë autoritet serbe dhe askush tjetër! Serbia nuk duhet asnjëherë ta harroj sa eksporton ne Kosove, gjithashtu edhe pse “nuk e pranon” ne jemi SHTET”, deklaroi Bajrami dy ditë pas vendimit.
Importet e derivateve nga Serbia në tre muajt e fundit
Ndërkohë që për tre muajt e fundit para vendosjes së kësaj mase nga shteti fqinjë kanë hyrë 7 milion e 84 mijë e 371 litra gaz.
Vlera e të cilave sipas doganës del të jetë 1 milion e gjysmë euro.
Kurse nga 1 janari i këtij viti deri në ditën kur u mor vendimi me 22 mars nga Serbia hynë 100 mijë litra naftë. Vlera e tyre në para sillet rreth 31 mijë e 526 euro.
Gazeta Fjala ka raportuar të shtunën për humbjet milionëshe që ka Serbia nga bllokada që Kosova i ka bërë importit të naftës dhe gazit. /Gazeta Fjala/Telegrafi/
Promo
Reklamo këtuLufta Prigozhin - Putin
Më shumëNga Rubrika
Murati thirrje qytetarëve të regjistrohen: Pensionet, shtesat e fëmijëve, e shumë vendime tjera do të varen nga ky regjistrim i popullsisë
“Dal në treg e kthehem me duar në xhepa”: A i kontrollon kush çmimet?
Osmani dhe Zeka në Teksas tregojnë mundësitë dhe përparësitë e investimeve në Kosovë
Murati thirrje qytetarëve të regjistrohen: Pensionet, shtesat e fëmijëve, e shumë vendime tjera do të varen nga ky regjistrim i popullsisë
Bëhu banor i kompleksit luksoz bregdetar “Holiday In 2” - Shëngjin
Ndrroje kerrin e vogël me Dacia Duster të ri për rrugë të gjata - Auto Mita
Për herë të parë në Kosovë vjen "Peja Outdoor Tourism Festival"
“Dal në treg e kthehem me duar në xhepa”: A i kontrollon kush çmimet?
Telegrafi Jobs hap dyert për mundësi emocionuese për karrierë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë