Puna e stafit shëndetësor në Qendrën Integruese, Rehabilituese e të sëmurëve kronikë psikiatrikë në Shtime është mjaftë sfiduese, pasi numri i punëtorëve nuk është i mjaftueshëm për të kryer shërbimet këtu.

Sipas Naim Asllanit, shef i personelit, të punësuar në këtë institucion janë 42 persona. E sipas tij, nevoja për rritje të numrit është esenciale.

“Është sfidë e madhe çështja e punëtorëve dhe vlen të theksohet që në këtë institucion kemi mungesë të punëtorëve në të gjithë sektorët duke filluar nga shërbimi i administratës, shërbimi teknik dhe shërbimi shëndetësor”, ka thënë, Naim Asllani – Shef i personelit.

Naim Asllani – Shef i personelit

Drejtori i Qendrës ka sqaruar se ka dërguar vazhdimisht kërkesa që numri i stafit të këtij institucioni të rritet.

Reklama

“Ne si staf menaxherial vazhdimisht kemi dërguar kërkesa për pranim të stafit shtesë, mirëpo mundësitë financiare të institucionit kanë qenë minimale”, ka bërë të ditur Miftar Zenelaj – Drejtor i Qendrës.

Reklama
Miftar Zenelaj- Drejtori i Qendrës

Qendra Integruese, Rehabilituese e të sëmurëve kronikë psikiatrikë në Shtime funksionon në kuadër të Shërbimit Spitalor, Klinik, Universitar të Kosovës./RTV Dukagjini/