“Pylli vertikal”: Kullat luksoze me pishina, kinema, muze, pishina dhe hotel me 247 dhoma (Foto/Video)

Pylli i parë vertikal në Nanjing të Kinës do të prodhojë nga 60 kilogramë oksigjen çdo ditë, kurse vizitorët qysh në shikim të parë do të mbesin pa frymë me arkitekturën e saj.

Quhen kullat Nanjing (Nanjing Towers) kurse ndërtimi i tyre të përfundojë në vitin 2018, dhe do të cilësohen si pyjet e para vertikale aziatike, transmeton Telegrafi.

Këto kulla i ka dizajnuar arkitekti italian Stefano Boeri, ku çdo kullë është e lartë 199 metra dhe rreth tyre do të mbillen nga 1.000 pemë, 2.500 shkurre dhe 23 bimë tjera të ndryshme.

Në këto kulla do të ketë zyra, muze, shkollë të arkitekturës së gjelbër dhe një klub nate. Por nuk do të mungojnë as pishinat dhe hoteli Hyatt me 247 dhoma.

Pamjet nga ballkonet do t’iu dhurojnë vizitorëve pamje të bukur të pyjeve vertikale, që do të duhej të ndihmonin në rigjenerimin e biodiveristetit lokal. Megjithatë, ky nuk është pylli i parë vertikal i projektuar nga arkitekti Stefano.

Tashmë janë ndërtuar dy kulla të tilla në Milano, ndërsa ndërtesa të ngjashme planifikohen të ndërtohen në Luiziana të Shteteve të Bashkuara dhe në Zvicër. /Telegrafi/