Pyetjet e vështira që ua bën stafi i Facebook kandidatëve për punë

Facebook së fundmi është shpallur kompania më e mirë në Amerikë, në sajtin ‘Glassdor’.

Duke marrë parasysh këtë, nuk është aspak befasi se personat të cilët dëshirojnë të punësohen në këtë kompani duhet t’u përgjigjen disa pyetjeve të vështira, transmeton Telegrafi.

Shumica e procesit të intervistimit përfshin pyetje për ekspertizë teknologjike, megjithatë intervista përfshin edhe disa pyetje që s’kanë të bëjnë fare me teknologji.

Telegrafi ju sjell disa nga pyetjet më të vështira që ua ka bërë stafi i Facebook kandidatëve potencialë për t’u punësuar në atë kompani.

1. “Përshkruajeni personalitetin e një drejtori për të cilin nuk do të dëshironit të punoni prapë”

2. “Përse po kërkon punë tjetër e nuk po qëndron në punën aktuale?”

3. “Si do ta ndërtonit Facebook-un për njerëzit e verbër”?

4. “Nëse do të ishit në një sesion pyetje-përgjigje me Mark Zuckerberg, çfarë do ta pyetnit? Dhe përse?”

5. “A ka diçka të cilën urren ta bësh”?

6. “Ne jemi krenar për balancimin që e ofrojmë për punëtorët që të kenë mjaftueshëm kohë për punën dhe familjen. Sa shumë balancim ju nevojitet që të ndiheni të lumtur në dy aspektet e jetës tuaj?”

7. “Si do të të përshkruanin kolegët?” /Telegrafi/