Publikohen pamjet e momentit dramatik kur ushtarët izraelitë ‘bastisin ndërtesën e Hamasit’ dhe shpëtojnë pengjet

Disa pamje të publikuara në internet thuhet se tregojnë momentin dramatik kur tri pengje u shpëtuan në Gaza më shumë se tetë muaj pas rrëmbimit në Izrael.

Sipas mediave të huaja, përcjell Telegrafi, pamjet nga helmeta e një ushtari nga njësia elitare Yamam tregojnë “bastisjen” e një shtëpie në kampin e refugjatëve Nuseirat të shtunën, ku Hamasi i mbajti pengjet.

Të armatosur me pushkë sulmi, trupat sulmojnë ndërtesën duke qëlluar raunde pas raundi me municione në çdo drejtim kundër militantëve që po iknin.

Të burgosurit Shlomi Ziv, Andrey Kozlov dhe Almog Meir Jan theksohet se dukeshin të palënduar, pavarësisht muajve në robëri, dhe krahët dhe këmbët e tyre nuk janë të lidhura, gjë që sugjeron se u lejuan të lëviznin lirshëm në shtëpi.

Dhe pamjet përfundojnë me trupat izraelite që veprojnë me “zjarr mbulues” ndërsa pengjet ikin në këmbë.

Ky është shpëtimi më i madh që kur Benjamin Netanyahu filloi një luftë kundër palestinezëve dhe operacioni thuhet se mori javë të tëra planifikimi.

Por të paktën 274 njerëz u vranë në Gaza, duke përfshirë fëmijë, dhe qindra të tjerë u plagosën gjatë shpëtimit, duke e bërë atë një nga sulmet më të përgjakshme izraelite që nga 7 tetori.

Ziad, 45 vjeç, një mjek ndihmës dhe banor i Nuseirat, i cili dha vetëm emrin e tij të parë, tha: “Ishte si një film horror, por kjo ishte një masakër e vërtetë”. /Telegrafi/