Publikohen pamjet e apartamentit luksoz që Messi bleu në Miami para transferimit në MLS

Lionel Messi thuhet se e ka gjetur tashmë një shtëpi të re luksoze përpara lëvizjes së tij në Inter Miami.

Ikona e futbollit, e cila frymëzoi Argjentinën në një fitore në Kupën e Botës ndaj Francës dhjetorin e kaluar, ka zgjedhur të bashkohet me skuadrën e MLS- së këtë verë - duke përmbyllur qëndrimin e tij dy-vjeçar me Paris Saint-Germain.

Messi me sa duket ishte në rrugën e duhur për një rikthim mahnitës në Barcelonë si agjent i lirë pas skadimit të kontratës së tij në Parc des Princes, shkruan The Sun.

Foto: AFP

Por shtatë herë fituesi i Topit të Artë thuhet se ka refuzuar një rikthim emocional në Nou Camp dhe pasuritë e Arabisë Saudite për t'iu bashkuar revolucionit të Inter Miami.

Sipas The Times, bashkimi me ekipin e David Beckham do ta bëjë Messin lojtarin më të paguar në historinë e MLS.

Messi, 35 vjeç, nuk e ka e fshehur dëshirën se një ditë do të luajë në skuadrën e tij të dikurshme.

Foto: Getty

Ai i tha televizionit spanjoll La Sexta vitin e kaluar: “Plani im është të jap gjithçka që mundem për klubin për momentin.

“Do të doja të luaja në Shtetet e Bashkuara dhe të përjetoja jetën dhe ligën atje, por përfundimisht të kthehesha në Barcelonë me një farë kapaciteti. Unë nuk jam duke menduar shumë përpara në afat të shkurtër dhe thjesht dua të shoh se si përfundon sezoni”, kishte deklaruar ai.

Foto: Getty

Dhe sipas radiostacionit me bazë në Madrid, Cadena Ser, Messi bëri lëvizjen e tij të parë drejt Miamit me blerjen e një apartamenti luksoz në qytet gati dy vjet më parë.