PSG ka planifikuar të shesë Kylian Mbappen te Manchester United që nga janari

Pronarët e PSG-së kanë konsideruar shitjen e Kylian Mbappes te Manchester United që nga janari, sipas një raportimi të ri.

Spekulimet për të ardhmen e sulmuesit francez janë rritur pas raportimeve të hënën se ai i kishte bërë të ditur PSG-së në një letër zyrtare, se nuk do të ushtronte një opsion për të vazhduar kontratën e tij me një vit.

Marrëveshja aktuale e Mbappes skadon në verën e vitit 2024, që do të thotë se ai mund të hapë bisedimet me klubin e ri në janar nëse nuk arrihet një marrëveshje e re.

Synimi i PSG-së, sipas Fabrizio Romanos, nuk është të lejojë lojtarin të largohet i lirë, por ta bindë atë të nënshkruajë një kontratë të re. Aktualisht, ai është një nga lojtarët më të paguar në futbollin botëror.

PSG tani duhet të vendosë nëse do të anulojë efektivisht qëllimin e lojtarit dhe ta shesë atë këtë verë. ESPN pretendon se janë të gatshëm të dëgjojnë ofertat prej 150 milionë eurosh nga klubet e interesuara.

Një nga ato klube mund të jetë United – dhe një raportim i ri bën një pretendim intrigues për hapin e ardhshëm të mundshëm të lojtarit.

Sipas El Pais, PSG ka qenë duke ‘studiuar’ shitjen e Mbappes te United që nga janari – dhe e informoi vetë lojtarin.

Megjithatë, raportimi pretendon se parisienët do ta sanksiononin marrëveshjen vetëm nëse 24-vjeçari pranon të transferohej në Old Trafford këtë verë – megjithëse shton se ai e gjeti propozimin ‘interesant’ pa u angazhuar për një vendim për të ardhmen e tij. Kjo ishte para zgjedhjes së bërë për zgjatjen fakultative në kontratën e tij.

Për më tepër, marrëveshja thuhet gjithashtu se varet nëse Fondacioni Nine Two i biznesmenit nga Katari Sheikh Jassim përfundon një blerje të suksesshme të United.

As Sheikh Jassim, as rivali i tij Sir Jim Ratcliffe, nuk janë informuar nëse ata janë zgjedhur nga familja Glazer për t’u bërë pronar i ri i klubit të Mançesterit.

Edhe pse kishte raporyime të hënën në mbrëmje se një shitje e 100 për qind e klubit te Fondacioni Nine Two ishte përfunduar – duke shkaktuar një rritje në çmimin e aksioneve të United – The Athletic ka zbuluar se raportimi fillestar erdhi nga një llogari në Twitter me nën 300 ndjekësit dhe se asnjëra palë nuk është informuar për vendimin përfundimtar të Glazers në këtë fazë. /Telegrafi/