PSG i jep ultimatum Emeryt: Elimino Realin ose largohu  

Klubi i madh francez, Paris Saint Germain i vendos ultimatum trajnerit të tyre Unay Emery.

Numri një i stolit të klubit parisien pati luksin të zhvillonte një ndër afatet kalimtare më të shtrenjta dhe më cilësore se çdo skuadër tjetër evropiane.

Transferimet e kryera nuk u realizuan vetëm për të fituar kampionatin, por edhe trofeun e Ligës së Kampionëve.

Lexo po ashtu Emery do të largohet nga PSG, zbulohet lista e shtatë trajnerëve kandidatë për stolin e gjigantit francez

Nisur nga ky objektiv eksperienca e Unai Emery në kryeqytetin francez mund të përfundojë më shpejt nga ç’ishte menduar, pra nëse PSG nuk siguron fazën gjysmëfinale të Championsit, ku përplasja e radhës është me Realin e Madridit.

Nëse një objektiv i tillë përmbushet, aventura e tij në “Parc des Princes” do të vazhdojë, përcjell SS.

Për t’i paraprirë situatës, sheiku i PSG-së, Naser Al-Khelaifi ka gati emrin e pasuesit. Zinedine Zidane qëndron në krye të listës.

Lexo po ashtu Trajnerët më të përfolur të 12 klubeve të njohura: Kush largohet e kush qëndron në fund të sezonit, këto janë përqindjet (Foto)

Drejtuesi i stolit të klubit mbretëror nuk po kalon një periudhë të qetë dhe zërat se në fund të sezonit ai do të largohet nga drejtimi Realit po shtohen gjithnjë e më shumë.

Mes PSG dhe Zidane nuk ka patur kontakte, por mundësitë që në verë tratativat të konkretizohen janë të mëdha.