PSG gati për revolucion, shumë lëvizje priten në verë

Pasi u eliminuan nga Liga e Kampionëve në ndeshjet me Real Madridin, Paris Saint-Germain ka filluar të mendojë për ndryshime të mëdha në skuadër. 

Edhe pse titujt i kanë renditur në kampionatin vendas, opsesioni mbetet Evropa, ku në dy vitet e fundit nuk po arrin të shkojë më lartë se sa 1/16-ta.

Edhe pse u pa si skuadër që mund t’i bëjë ballë Real Madridit, ndeshja u mbyll me rezultat të përgjithshëm 5-2.

Edhe 420 milionë eurot e harxhuara nuk kryen punë, me blerjet e Neymar dhe Kylian Mbappe.

Klubet e tjera si Manchester City, Manchester United, Chelsea dhe Bayern Munich, kanë harxhuar më pak, por mbeten në garë.

Trajneri i ri 

Klubi tani ka filluar të mendojë për një trajner të ri që do të arrinte sukses në Ligën e Kampionëve.

Antonio Conte është në krye të listës pasi di si ta përballojë një skuadër plot me yje.

Tjetër opsion mbetet Mauricio Pochettino që po punon mirë me Tottenham Hotspur.

Po ashtu edhe Jose Mourinho dhe Diego Simeone, janë në listë.

Një verë me shumë lëvizje

Financial Fair Play e ka mbështetur për muri PSG-në, ku klubi duhet të shesh që në fillim të qershorit.

Ata duhet t’i mbyllin bilancet e blerjeve të Neymar dhe Mbappe.

Angel Di Maria dhe Adrien Rabiot do të mbeten pa kontrata në vitin 2019, nga kjo kthehen në favorit për tu shitur.

Forcat e reja 

Për portën, Jan Oblak, është emri i preferuar për portier, por shuma e kërkuar për të ka stopuar paksa klubin francez.

Kevin Trapp pritet të lartohet, por jo portieri aktual Alphonse Areola.

Gianluigi Donnarumma dhe Thibaut Courtois, po ashtu mbeten opsione.

Mbrojtja  

Layvin Kurzawa nuk i ka përmbushur pritshmërinë dhe pritet të largohet nga klubi. Dani Alves mbetet, por Thomas Meunier mund të largohet që të kërkojë më shumë minuta. Marquinhos qëndron, por te Thiago Silva, ka termet nën këmbët e tij.

Një zëvendësues për  Thiago Mottan 

Klubi duhet të fillojë të kërkojë një zëvendësues për italo-brazilianin. Lassana Diarra, nuk shihet si zëvendësues ideal.

Një sulmues konkurrent për Edinson Cavanin

Pas dështimit ndaj Madridit, është shtuar pyetja se a i duhet një sulmues tjetër klubit që ta ndajë fushën me Cavanin.

Klubi ka lojtarë si Julian Draxler, Di Maria, Javier Pastore dhe Goncalo Guedes (huazim).

Pastore mund të largohet, ndërsa edhe Draxler dhe Di Maria, shihen në këtë rrugë. Guedes, mund të kthehet nga Valencia ku po shkëlqen. /Telegrafi/