LAJMI I FUNDIT:

Pse nuk po gjykohen në liri Thaçi dhe të tjerët, flasin juristët

Pse nuk po gjykohen në liri Thaçi dhe të tjerët, flasin juristët

Jo gjykimit në liri, e po vazhdimit të paraburgimit i ka thënë edhe një herë tjetër Gjykata Speciale, kërkesës që ish-krerët e UÇK-së e patën që të gjykohen jashtë qendrës të paraburgimit të Hagës.

Pretendimeve të Prokurorisë që te akuzuarit në Hagë mund të kryejnë vepra penale të tjera po i beson Gjykata, përderisa zëdhënësi i këtij institucioni thotë se të njëjtit edhe mund të arratisen.

“Trupi gjykues çdo dy muaj duhet të vlerësojnë nëse arsyet justifikojnë dënimin e të akuzuarit ato duhet te vlerësojnë nëse ekziston rreziku se personi do të arratiset, nëse do te pengojnë drejtësinë ose rrezikojnë që i akuzuari të bëjë krime tjera, të gjitha këto rishikime bëhen çdo dy muaj. Deri tani trupi gjykues ka konstatuar se ekziston rreziku i pengimit te vazhdimësisë dhe mundësisë për krime tjera. Ka pasur indikacione, të dhëna që disa gjëra janë komunikuar në dhomën e dënimit për dëshmitarë të mbrojtur dhe deri më tani gjykatësit thonë se ekziston rreziku që i akuzuari mund të pengoj procesin dhe të kryej krime tjera”, tha Michael Doyle, zëdhënës i Dhomave të Specializuara.

Por, sipas monitoruesve të këtyre proceseve, paraburgimi nuk është gjithmonë masë e nevojshme.

Gjykimi kundër Thaçit dhe të tjerëve, edhe 104 dëshmitarë do të ftohen për intervistim
Lexo po ashtu Gjykimi kundër Thaçit dhe të tjerëve, edhe 104 dëshmitarë do të ftohen për intervistim

“Kryesisht informatat që i posedojnë të akuzuarit e ato informata mund ti ndajnë me personat e tretë, p.sh. identitetit i dëshmitarëve, kështu sipas prokurorisë përmes këtyre informatave ata mund të ndikojnë edhe tek dëshmitarët. Ashtu siç konkludohet me ngritjen e dy tre aktakuzave për pengimin e administrimit të procedurës“, tha Amer Alija nga Fondi për të Drejtën Humanitare.

Zëdhënësi i Gjykatës është pyetur edhe për shqetësimet që të akuzuarit kanë ngritur për kohëzgjatjen e gjykimit, për çka tha se nuk dëshiron të spekulojë por se Prokuroria po punon që rastin ta mbyll në kohën e paraparë.

“Nuk do te doja të spekuloja rreth kësaj por ajo çka kemi dëgjuar se fundmi gjatë kësaj jave në sallën e gjyqit, kemi dëgjuar gjykatësit duke pyetur nëse dhe si po planifikojnë të përfundojnë rastin e tyre përgjatë këtij afati dhe kemi dëgjuar prokurorinë duke thënë se ende janë duke punuar drejt afatit të dhënë për prill të vitit 2024 por ata gjithashtu kanë thënë se kanë kërkuar reduktimin dhe përshpejtimin në ecjen e dëshmive”, tha Doyle.

Në trend Lajme

Më shumë
Dosja ndaj të dyshuarëve për spiunazh - 'Kanë udhëtuar shpesh në Serbi'

Dosja ndaj të dyshuarëve për spiunazh - 'Kanë udhëtuar shpesh në Serbi'

Drejtësi
Nis takimi Bislimi – Lajçak në Qeveri

Nis takimi Bislimi – Lajçak në Qeveri

Lajme
I akuzuari Muhamet Alidemaj thotë se kur ndodhi masakra e Izbicës, kishte qenë tek axha duke e festuar Bajramin

I akuzuari Muhamet Alidemaj thotë se kur ndodhi masakra e Izbicës, kishte qenë tek axha duke e festuar Bajramin

Drejtësi
Kurti tha se partitë opozitare nuk mund t'i shtyjnë zgjedhjet pafundësisht, flasin nga LDK-ja dhe AAK-ja

Kurti tha se partitë opozitare nuk mund t'i shtyjnë zgjedhjet pafundësisht, flasin nga LDK-ja dhe AAK-ja

Mirjeta Hajzeraj
Nënshkruhet marrëveshja, Izraeli heq zyrtarisht vizat për Kosovën

Nënshkruhet marrëveshja, Izraeli heq zyrtarisht vizat për Kosovën

Lajme
Temperaturat e larta, doktoresha Pranvera Krasniqi, jep disa këshilla për të moshuarit dhe fëmijët

Temperaturat e larta, doktoresha Pranvera Krasniqi, jep disa këshilla për të moshuarit dhe fëmijët

Lajme
Kalo në kategori