Pse Milton mund të mos jetë uragani i fundit për vitin 2024 në Atlantik?

Sezoni i uraganeve në Atlantik filloi ngadalë këtë vit, por tani ka pasur 13 stuhi të emërtuara – dhe mund të ketë edhe më shumë.

Në maj, Administrata Kombëtare e Oqeanit dhe Atmosferës (NOAA) paralajmëroi se sezoni i këtij viti – që zgjat nga 1 qershori deri më 30 nëntor – kishte një shans 85% për të qenë më aktiv se zakonisht.

Bëhet e ditur se një vit mesatar thuhet të ketë gjithsej 14 stuhi të emërtuara, nga të cilat shtatë uragane të rregullta dhe tre të mëdha.

Pas një fillimi të ngadaltë, gjërat kanë ndryshuar kohët e fundit, shkruan skynews, përcjell Telegrafi.

Nga 13 stuhitë e përmendura, nëntë u bënë uragane, me katër që arritën statusin e uraganit madhor (nga kategoria 3 e lart).

Dy kanë arritur kategorinë 5, më e larta e mundshme; Beryl – stuhia më e fuqishme që ka arritur ndonjëherë në tokë në fillim të qershorit – dhe Milton, që goditi Floridan këtë javë.

Gushti ishte jashtëzakonisht i qetë, me gjasë për shkak të aktivitetit të stuhive mbi Afrikë që ishte më në veri se zakonisht, por gjërat ndryshuan gjatë shtatorit dhe fillimit të tetorit.

Kulmi i sezonit ka kaluar, por kanë mbetur më shumë se gjashtë javë – kështu që ka ende kohë për t’u formuar më shumë uragane.

Dhe njerëzit në Florida e dinë shumë mirë mundësinë që uraganet mund të vijnë edhe më vonë gjatë vitit.

Në vitin 2005, Uragani Wilma goditi në fund të tetorit, duke shkaktuar 30 vdekje dhe rreth 19 miliardë dollarë dëme.

Pra, me temperaturat e sipërfaqes së detit ende mbi mesataren, ka një shans real për më shumë uragane këtë sezon.

Por, kjo nuk do të thotë se ndonjë formë e tillë do të ketë ndikim në tokë ose në vetë Floridan.

Në fakt, Uragani Leslie aktualisht ndodhet në Atlantikun qendror duke mos prekur asnjë masë tokësore. /Telegrafi/