Pse Gjermania vesh fanellat me ngjyrë të bardhë, pavarësisht se nuk është në flamurin e tyre

A keni menduar ndonjëherë pse Gjermania vesh fanellat me ngjyrë të bardhë, pavarësisht se ajo nuk është një ngjyrë në flamurin e vendit të tyre?

Ka pak ekipe kombëtare më ikonike se gjermanët, veçanërisht kur bëhet fjalë për Kampionatin Botëror, një turne që rrallëherë nuk arrijnë të kalojnë në fazat e fundit.

Sigurisht, ata nuk ia dolën të kalonin fazën e grupeve katër vjet më parë, duke iu dorëzuar mallkimit të kampionëve në fuqi dhe humbja e tyre shokuese në hapje ndaj Japonisë javën e kaluar bëri që të dukej sikur do të ndodhte përsëri.

Megjithatë, përpara vitit 2018, ata kishin arritur në gjysmëfinale, të paktën, për katër turnetë e mëparshëm dhe  kur kishte dy faza në grupe, ishte hera e mëparshme që ata nuk kishin arritur të paktën në çerekfinale.

Përveçse skuadra është ikonë, po ashtu janë edhe fanellat e tyre, me të bardhën e tyre klasike të kombinuar zakonisht me një model të bukur, me fanellën e tyre të famshme të vitit 1990, kur ata u bënë kampionë për herë të tretë, një nga klasikët e të gjitha kohërave të Botërorit.

Ndryshe nga Anglia, Belgjika, Holanda, ShBA, Kameruni dhe shumë të tjera, fanellat e Gjermanisë nuk kanë asnjë lidhje me flamurin e vendit të tyre.

Vendi evropian përdor një flamur trengjyrësh të kuqe, të zezë dhe të verdhë, por ata nuk luajnë në asnjë nga ato ngjyra, përkundrazi zgjedhin të bardhën.

Kjo është për shkak të ngjyrës së flamurit prusian, shteti që shtrihej nga kufiri modern i Rusisë deri në kufirin e Francës në perëndim.

Zona e njohur si perandoria gjermane kishte një flamur të bardhë, fillimisht me një kryq në mes, i zëvendësuar më vonë nga shqiponja e zezë, e cila ende zbukuron stemën e ekipit të tyre.

Kur ekipi gjerman i futbollit u krijua në vitin 1899, ata vendosën të adoptojnë ngjyrat prusiane, duke i mbajtur ato edhe pasi Mbretëria e Prusisë përfundoi gati dy dekada më vonë. /Telegrafi/