Prova e rënies nga një lartësi e madhe e Samsung Galaxy S21 sjell rezultate befasuese

Modelet e reja të Samsung u lëshuan në trotuar nga lartësi të ndryshme.

Kjo është pak a shumë si një dhimbje koke të shikosh video testimi për telefona inteligjent të markave të reja. Ky është rasti edhe këtë herë kur ekipi i Cnet lejon që telefona inteligjent i ri Samsung Galaxy S21 të testohet nga një lartësi e madhe, për të parë qëndrueshmërinë e tij.

Por është emocionuese të shohësh se si materialet e ndryshme të modeleve kryesore të tanishme Samsung ndikojnë në qëndrueshmërinë. Ndërsa S21 Ultra dhe S21 Plus kanë një mbështjellje të bërë nga xhami (Gorilla Glass Victus), transmeton Telegrafi.

Cnet përdori S21 Ultra të shtrenjtë (1,249 euro) dhe S21 më të lirë (849 euro) për provën e rënies.

Rezultatet janë mjaft befasuese. Ju do të mendonit se një telefon inteligjent që kushton më shumë se 1,200 euro do të ishte më i qëndrueshëm sesa një pajisje më e lirë.

S21 Ultra dhe S21 i mbijetuan provës së rënies nga lartësia e belit në një trotuar të asfaltit relativisht mirë.

Kur testohej nga e njëjta lartësi, por në pjesën e pasme të pajisjes, modeli Ultra tregoi çarje të qarta. Pjesa e pasme plastike e S21 i mbijetoi kësaj prove më mirë dhe tregoi vetëm disa gërvishtje.

Nga lartësia e kokës

Gjatë provës së rënies nga një lartësi prej rreth 1.8 metra, ekipi i Cnet përdori të njëjtat pajisje që ishin dëmtuar tashmë nga testi i mëparshëm i rënies.

Nga kjo lartësi, moduli i kamerës së S21 ishte mjaft i dëmtuar, por lentet e kamerës mbetën të paprekura. Kishte edhe disa gërvishtje në pjesën e pasme. Modeli Ultra nuk i mbijetoi shumë mirë rënies nga lartësia e njëjtë.

Pjesa e përparme ishte plotësisht e mbuluar nga çarjet e shumta. Çarjet ishin aq të thella sa që paneli OLED nuk punonte më siç duhet. /Telegrafi/