E plotësuar: Qindra qytetarë morën pjesë në protestën e thirrur nga shoqëria civile me moton “Shkarkim Prokurorit-Veting Gjyqësorit”, gjatë të cilës u kërkua shkarkimi i kryeprokurorit Aleksandër Lumezi dhe kryeministrit Ramush Haradinaj.
Pas grumbullit para Prokurorisë, protestuesit marshuan drejt objektit të Qeverisë.
Para protestuesve foli Imer Mushkolaj nga shoqëria civile, ku tha se Lumezi udhëhiqet nga politika.
“Para dy vitesh u mblodhëm këtu për aferën “Pronto”. Kërkuam përgjegjësi për të përfshirët në këtë aferë, këtë kërkuam që të bëjë Aleksandër Lumezi.
Aktakuza u ngrit por deri më tash nuk shohim rezultate. Ky njeri shqetësohet më shumë se i është prishur rehatia një ministri të akuzuar sesa që ta hetoj dhe akuzojë atë.
Ne si qytetar dëgjojmë çdo ditë thënien “nëse keni prova dërgoni në prokurori”. Në cilën prokurori? Në atë që udhëhiqet nga Lumezi i cili nuk udhëhiqet nga ligji por nga politika.
Lumezi duhet të shkojë në shtëpi. Nëse ai nuk mund të vendos për fatin e tij, i ndihmojmë ne”, ka thënë Mushkolaj, i cili u mbështet edhe nga protestuesit.
Ai më tej theksoi se ish-prokurori Blakaj u kërcënyua jo vetëm nga Lumezi por edhe nga kryeministri e kryeparlamentari.
Protestuesit kërkuan që “bandat lokale nuk mund të bëjnë çka të donë dhe nuk kanë të drejtë të ngritin veten mbi popullin që çmimin e lirisë e pagoi me çmimin e tij”. /Telegrafi/
***
Protestuesit para Prokurorisë, “Lumez, ik”
E plotësuar: Nga sheshi “Zahir Pajaziti” qytetarë të shumtë kanë marshuar drejt Prokurorisë, ku po kërkojnë edhe shkarkimin e kryeprokurorit Aleksandër Lumezi.
Me pankarta në duar që mbanin mbishkrimet “Lumez EC”, “Pishpirik je vet”, “Nuk ka shtet pa gjyqësor të pavarur” “20000 gra të përdhunuara, jo “hajna të pulave””, etj , qytetarët kërkonin largimin e Lumezit nga Prokuroria dhe të kryeministrit Ramush Haradinaj”.
Qytetarëve të pranishëm ju ka drejtuar me një fjalë rasti Krenare Loxha. Ajo ka thënë se askush nga qytetarët nuk u kanë borgj ofendimet, kërcnimet e përbuzjet kryeministrit e prokurorëve.
“Sot ja ku jemi hala me plag të ndarë në trup e mendje e me dhimbje në trup. Vendin tonë nuk e konsidrojmë të lirë kur shohim sa lirshëm vjedhin këta politikanët tanë, sa lirshëm kërcënojnë prokurorët, sa lirshëm dështojnë me parandalua vrasje. Nuk mundemi me heshtë, nuk duhet të heshtim më. Unë nuk mundem me ra në nivelin e diskursit të kryeministrit. Nuk ja kemi borxh, ofendimet, kërcënimet e hajnit askujt ma. Boll ma!”, ka thënë Loxha.
Loxha ka theksuar se jemi këtu sepse nuk do të lejojmë më që prokurorët të largohen për me shpëtua veten e familjen.
“Gjyqësori nuk duhet me ju shërbye qeverive por ligjeve, e mbi ligje nuk duhet të jetë askush.
Kërkojmë një shtet që na siguron lirinë e jo që na cenon atë”, theksoi Loxha.
Qytetarët gjatë tërë kohës kanë brohoritur “ Lumez ik”, “Ramush ik”, “hajna, hajna jo veteran”, “boll ma!”, “dorëheqje” etj.
Ata janë nisur drejt objektit të Qeverisë. /Telegrafi/
***
E plotësuar: Protestuesit kanë arritur tanimë nga sheshi “Zahir Pajaziti” para objektit të Prokurorisë.
Me brohoritje, ata po kërkojnë shkarkimin e kryeprokurorit të shtetit, Aleksandër Lumezi.
***
Ka filluar protesta e paralajmëruar nga Shoqëria Civile për kërkimin e shkarkimit të Kryeprokurorit të Kosovës, Aleksander Lumezi si dhe fillimin e procesit të vetingut për gjyqësorin në vendin tonë.
Shumë qytetarë, tanimë janë mbledhur në Sheshin ‘Zahir Pajaziti’ në Prishtinë.
Sipas paralajmërimeve, marshi do të vazhdojë drejt Zyrës së Kryeprokurorit dhe Zyrës së Kryeministrit.
Kjo protestë vjen pas dorëheqjes së prokurorit Elez Blakaj dhe letrës së tij ku kishte treguar presionin politik për të mos vazhduar me lëndën ndaj veteranëve të rremë dhe për aferën “Pronto”.
Protestuesit kanë përgatitur pllakate në të cilat shkruan “Lumez, Ec”, “Nuk ka shtet pa gjyqësor të pavarur”, “A vodhën pula 1 milion refugjatë” e po ashtu edhe fotografia e Agim Çekut e ku shkruan “Nga Hero në Zero”.
Telegrafi, do t’ju mbajë të informuar…..
Lufta Prigozhin - Putin
Më shumëNga Rubrika
Kasami: VLEN si pjesë e Qeverisë do të jetë në shërbim të qytetarëve dhe bizneseve
“Ju kemi njohtë para lufte…ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
U raportua për një deponi ilegale, Komuna e Suharekës bën rregullimin e saj
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit