Gjykata në Tajlandë ka dënuar dy pronarë të një restoranti me 1.446 vite burgim, për shkak se kishin mashtruar qytetarët.

Vitin e kaluar, restoranti që shërben fruta deti, kishte filluar promovimin shërbimit të pagesave online, transmeton Telegrafi.

Afro 20 mijë qytetarë kishin porositur ushqim në vauçerë në vlerë prej 1.6 milion dollarë.

Megjithatë më vonë kanë njoftuar se nuk po mund t’ju përgjigjen kërkesave të shumta, dhe kështu mbyllën restorantin.

Pronarët menjëherë u arrestuan pasi qindra qytetarë ishin ankuar për shërbimet dhe mashtrimet që ua kishin bërë ata.

Ata janë dënuar për mashtrim me porosi të rrejshme. U shpallën fajtorë për 723 pika të aktakuzës që rëndonin mbi ta – që në total i bie se u dënuan me 1.446 vite burgim.

E pasi që pranuan fajin, dënimi u është zvogëluar përgjysmë – në 723 vite burgim.

Megjithatë ata do të vuajnë dënimin maksimal prej 20 viteve. /Telegrafi/