Prokurori italian i EULEX-it, Danilo Ceccareli, ka vetëm edhe tre muaj kohë për të ngritur aktakuzë apo për të pushuar hetimet ndaj Azem Sylës dhe të tjerëve të përfshirë në rastin e pronave.
Afati dyvjeçar i hetimeve në këtë rast kishte kaluar më 30 prill ndërsa prokurori Danilo Ceccareli shfrytëzoi një nen të Kodit të Procedurës Penale për të kërkuar edhe 6 muaj kohë për hetime kundër Azem Sylës dhe grupit të tij.
Po me kërkesë të prokurorit Danilo Ceccareli në Gjykatën Themelore të Prishtinës janë duke u mbajtur seancat e mundësisë së veçantë hetuese.
Në këto seanca po dëgjohen dëshmitarë të mbrojtur, të cilët janë duke u përgjigjur në pretendimet e Prokurorisë por edhe të të dyshuarve dhe avokatëve mbrojtës.
Gjatë muajve qershor dhe korrik ishin paraparë 20 seanca të tilla por fillimisht disa herë ishin shtyrë për shkak të mungesës së hapësirës dhe numrit të madh të të dyshuarve.
Prokurorit të EULEX-it, Danilo Ceccarreli, do t’i duhet që hetimet për rastin e pronave t’i përmbyll brenda tre muajve.
Konkretisht, deri më 30 tetor të këtij viti ai ose duhet t’i përmbyll hetimet ose duhet të ngritë aktakuzë ndaj personave të përfshirë në hetime.
KALLXO.com vëren se aktvendimi për fillimin e hetimeve kundër Azem Sylës dhe 10 prej personave të përfshirë në këtë rast mban datën 30 prill 2014.
Kodi i Procedurës Penale të Kosovës, neni 159, më konkretisht paragrafi i parë i këtij neni, përcakton se hetimi i filluar duhet të përmbyllet brenda dy viteve me ngritjen e aktakuzës, në të kundërtën hetimet duhet të pushojnë.
Por, paragrafi dy i nenit 159, përcakton se gjyqtari i procedurës paraprake mund të autorizojë një hetim deri në gjashtë muaj të tjerë në rastet kur hetimi është i ndërlikuar, ka më shumë se katër të pandehur, është përdorur ndihma juridike ndërkombëtare dhe rrethana të tjera që e bëjnë hetimin të ndërlikuar.
Pikërisht atë që e sanksionon ky paragraf e ka shfrytëzuar prokurori Danilo Ceccarrelli dhe më datë1 prill të këtij viti gjyqtari i procedurës paraprake e ka aprovuar vazhdimin e hetimeve edhe për gjashtë muaj të tjerë.
Hetimi i nisur nga Ceccarelli në fund të prillit të vitit 2014 rezultoi me aksionin e 27 prillit të këtij viti, gjatë të cilit u bastisën 42 lokacione nëpër Kosovë, ndër të tjera edhe prona e deputetit të PDK-së, Azem Sylës.
Aksioni, ku u përfshinë rreth 350 policë, rezultoi me arrestimin e gjashtë personave ndaj të cilëve atë ditë u caktua masa e paraburgimit në afat prej 30 ditësh, ndërsa në aktvendimin për fillimin e hetimeve janë të përfshirë 52 persona.
Ky hetim ka të bëjë me shpronësimin e tokave shoqërore në rrethinën e Çagllavicës dhe dëmet e pretenduara nga prokuroria janë milionëshe.
Dy ditë pas këtij aksioni, deputeti Azem Syla i është dorëzuar Policisë së Kosovës në pikën kufitare në Vërmicë.
Promo
Reklamo këtuLufta Prigozhin - Putin
Më shumëPublikohen pamjet kur avokati Sokol Mëngjesi goditet me dorezë hekuri
Elshani: Shumë shpejt do të hapet për qarkullim ura e Ibrit në Mitrovicë
Pasi dështoi shpërndarja e Kuvendit, deputetët e PDK-së e quajnë Kurtin "mjeshtër të mashtrimit"
Sherri ku u plagosën tre persona në Pejë nisi për një veturë “Golf III”
Kryeziu: Përplasjet Qeveri-Presidencë në disfavor të Kosovës
Ahmeti: Presim mbështetjen e qytetarëve në mbrojtjen e legjitimitetit dhe Marrëveshjes së Ohrit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
“Edhe ti mendon që Kurti është i rekrutuar i Serbisë”, “Unë nuk mendoj, unë e di” – përplasje mes Dibran Hoxhës dhe Lirim Mehmetaj
Po transferohet te Real Madridi, por Mbappe është tifoz i madh i një skuadre tjetër - ia shikon çdo ndeshje
Nikki Haley shkruan në raketën izraelite të drejtuar për në Gaza: Jepuni fund, Amerika e do Izraelin
PSG do ta largojë në huazim – Xavi Simons tashmë ka zgjedhur klubin e tij të ardhshëm
Shkaku i Xavit po largohet një yll nga Barcelona
Biznesmeni shqiptar i drejtohet Besit pas ndarjes nga Xhensila: Të pata thënë, më vjen keq por ke shpëtuar një herë e mirë