Prokurori Abdurrahim Islami ka kërkuar dënim më të lartë për aktivistët e Vetëvendosjes, Adea Batusha, Egzon Haliti, Atdhe Arifi dhe Frashër Krasniqi, për sulmin në Kuvend.
Është siguruar ankesa e prokurorit të rastit, Abdurrahim Islami, kundër aktgjykimit të shkallës së parë përmes të cilit dënoi 4 aktivistët e VV- së në total prej 21 vjetësh e 6 muajsh burg.
Ankesa e prokurorit fillon me pakënaqësinë ndaj dënimit të shqiptuar për Ade Batushës, atë prej 2 vjet burgim, derisa përfundon me propozimin që të akuzuarve t’u shqiptohet dënim me burgim më të lartë.
Prokuroria në ankesë ka vlerësuar se me rastin e shqiptimit të dënimit për të akuzuarën Adea Batusha, gjykata ka bërë shkelje të ligjit penal, me arsyetimin se dënimi prej 2 vjetësh për atë vepër penale, është dënim nën kufirin e paraparë ligjor, derisa për një vepër të tillë, dënimi minimal do të ishte prej 5 vjetësh burgim, raporton Kallxo.com
Sipas prokurorisë, nuk ka ekzistuar asnjë rrethanë lehtësuese për Adea Batushën e cila do të arsyetonte dënimin nën minimum ligjor, pasi që Adea as nuk ka pranuar fajësinë, e as nuk ka lidhur marrëveshje për pranimin e fajësisë.
Prokuroria në ankesë pretendon se as dënimet e të tjerëve nuk u përgjigjen shkallës së rrezikshmërisë shoqërore të veprës penale të kryer.
“Bazuar në faktin se në këtë rast kemi të bëjmë me një gjuajtje me raketë- hedhës të një institucioni shtetëror, i cili nuk mund të krahasohet me asnjë institucion tjetër, ngase ai është objekti i organit më të lartë legjislativ i shtetit të Kosovës dhe vetëm fati që raketa nuk depërtoi brenda objektit ka shpëtuar që ky objekt të mos digjet në tërësi dhe të mos ketë pasoja me njerëz”, thuhet më tej në ankesë.
Në fund të ankesës, prokuroria ka propozuar që aktgjykimi i shkallës së parë të ndryshohet, ashtu që të akuzuarve t’u shqiptojë dënim me burgim më të lartë.
Portali ka siguruar edhe ankesën e avokatit të Atdhe Arifit, i cili u dënua me 6 vjet burg.
Avokati i Arifit, Ramiz Krasniqi, pretendon se aktgjykimi i shkallës së parë është i paligjshëm, i pambështetur në asnjë provë, “përpos në bindjen e lirë dhe të paluhatur të gjykatësit”, ka thënë ai në ankesë.
“Ankesa më e mirë kundër këtij aktgjykimi është vetë aktgjykimi”, e ka nisur ankesën avokati Krasniqi, derisa ka shtuar se “ky aktgjykim, si i tillë, nuk meriton të ngelet në analet e gjyqësorit të Republikës sonë!.
Përkundër prokurorit që ka kërkuar dënim më të lartë për të akuzuarit, avokati Krasniqi i ka kërkuar Gjykatës së Apelit që të mbrojturin e tij, Atdhe Arifin, ta lirojë në mungesë të provave.
Në tetor të vitit 2016, katër aktivistët u shpallën fajtorë në akuzën për të cilën janë ngarkuar dhe janë dënuar me një total prej 21 vjet e 6 muaj burg.
Atdhe Arifi është dënuar me 6 vjet burg, Frashër Krasniqi me 8 vjet, Egzon Haliti me 5 vjet e gjysmë, ndërsa Adea Batusha me 2 vjet burg.
Katër aktivistët e Vetëvendosjes akuzohen për sulmin e kryer në gusht të vitit 2016 ndaj Kuvendit të Kosovës.
Të katër të akuzuarit e këtij rasti ishin deklaruar të pafajshëm në seancën e mbajtur më 28 shkurt të këtij viti, ndërsa aktakuzën e kishin quajtur politike, ndërsa kërkesat e tyre për hedhje të aktakuzës dhe pushim të procedurës ishin refuzuar nga gjykata themelore.
Pjesë e aktakuzës ka qenë edhe Astrit Dehari, i cili në nëntor të vitit 2016 ishte gjetur i vdekur në qelinë e tij në Qendrën e Paraburgimit në Prizren. /Kallxo.com/Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre