Prokurori Bubevski ngrit padi penale ndaj avokatit të Ejup Alimit, thotë se ndjehet i rrezikuar

Prokurori i PSP-së Gavrill Bubevski, sot në Prokurorinë Themelore në Shkup ka ngritur padi penale kundër avokatit të të akuzuarit Ejup Alimi në rastin “Titanik 3”, Mefail Arsllani.

Në padinë e dorëzuar, Bubevski thekson se më 10 nëntor të vitit të kaluar në parkingun para Qendrës Tregtare “Mavrovasja” avokati Mefail Arsllani, e ka kërcënuar atë në lidhje me rastin “Titanik 3”, përcjell Telegrafi Maqedoni.

Lexo po ashtu Anulohet gjykimi për rastin “Titanik 3”, ka informacione për kërcënim të dëshmitarëve

Në padi shkruan se derisa dëshmitari A.I, e ka drejtuar makinën në të cilën ndodhej prokurorja Fatime Fetai, duke dashur të gjejë vend për parkim e ka vërejtur avokatin Mefail Arsllani.

Dëshmitari e ka hapur dritaren e makinës dhe e ka përshëndetur duke i thënë: “Mirdita Mefo, çfarë bën, si je?”, ndërsa avokati Arsllani me ton të lartë dhe agresiv i është përgjigjur: “Ej nuk dimë çfarë t’i bëjmë kësaj pasi është e jona (duke e drejtuar dorën kah Fatime Fetai), por këtë shkaun do ta copëtojmë”.

Lexo po ashtu Fatime Fetai thotë se është kërcënuar për rastin “Titanik 3”: Do të jap dëshmi para Prokurorit Publik

Gavrill Bubevski në padi ka theksuar se pas këtyre fjalëve është ndjerë i rrezikuar./Telegrafi/