E plotësuar: Komisioni për Punë të Jashtme, Diasporë dhe Investime Strategjike në mbledhjen e mbajtur sot ka vendosur që Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi t’ia kthejë sërish Kryesisë së Kuvendit për shqyrtim dhe pastaj Kryesia të vendos se kur do ta vë në rend dite.
Komisioni votoi baras lidhur me atë a të dërgohet në Kryesi për shqyrtim apo në seancë për votim dhe si rrjedhojë kryetarja e Komisionit, Vjosa Osmani e dërgoi sërish për shqyrtim në Kryesi të Kuvendit.
Osmani tha se Prokuroria është duke hetuar pretendimet se Komisioni i parë ka punuar në bazë të dokumenteve të falsifikuara dhe është më e arsyeshme derisa prokuroria të dal me ndonjë sqarim të mos u rekomandohet deputetëve se si të votojnë.
“T’i rekomandohet Kryesisë së Kuvendit që ta dërgojë në seancë për shqyrtim”, ka thënë Osmani.
Sipas saj, edhe ashtu rekomandimi i Komisionit nuk i detyron deputetët se si të votojnë, por vetëm u rekomandohet.
Osmani tha se edhe lidhur me Gjykatën Speciale, Komisioni nuk u kishte rekomanduar fare deputetëve se si të votojnë.
Doruntina Maloku nga LDK-ja tha se për shkak të rëndësisë së madhe që ka ky Projektligj është më e arsyeshme t’i procedohet për shqyrtim Kryesisë së Kuvendit.
“Më mirë t’ia procedojmë Kryesisë së Kuvendit. Ata ta dërgojnë në seancë dhe deputetët të vendosin”, tha ajo.
Ilmi Reçica nga PDK-ja tha se çështja e demarkacionit ka vite që trajtohet.
‘Të mos futemi në kalkulime kush ka të drejtë dhe kush jo. Komisioni nuk raportimin e fundit nuk ka sjell risi”, tha ai, duke shtuar se meqenëse nuk janë për rekomandim pozitiv të paktën deputetëve mos t’i rekomandohet fare se si të votojnë.
E plotësuar: Disa nga anëtarët e Komisionit për Punë të Jashtme kanë kërkuar që Kuvendit t’i bëhet një rekomandim negativ për këtë marrëveshje, saktësisht t’i rekomandohet deputetëve të mos e votojnë marrëveshjen.
Anëtarët Visar Ymeri dhe Aida Dërguti nga Vetëvendosje, pastaj Zafir Berisha nga Nisma për Kosovën, Time Kadrijaj nga Aleanca për Ardhmërinë e Kosovës kërkuan që rekomandimi për Marrëveshjen e Demarkacionit të jetë negativ.
Visar Ymeri nga VV-ja tha se deputetëve duhet dhënë rekomandim negativ për Marrëveshjen e Demarkacionit me Malin e Zi dhe pastaj deputetët e kanë fjalën përfundimtare.
Zafir Berisha nga Nisma tha se Komisioni i ri ka pretenduar se është punuar në bazë të dokumenteve false dhe se Komisioni i udhëhequr nga Murat Meha i ka tejkaluar kompetencat.
Për shkak të kësaj, Berisha tha se deputetëve duhet dhënë rekomandim negativ për votimin.
Edhe Time Kadrijaj tha se deputetëve duhet t’i jepet rekomandim negativ për marrëveshjen e demarkacionit me Malin e Zi.
Projektligji për demarkacionin me Malin e Zi në Komisionin për Punë të Jashtme
Ka filluar të mbahet mbledhja e Komisionit për punë të jashtme, diasporë dhe investime strategjike, ku do të shqyrtohet Projektligji për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.
Ndryshe, në fund të vitit të kaluar janë mbajtur dy mbledhje nga ky komision, ku kanë diskutuar rreth Projektligjit për Demarkacionin me Malin e Zi.
Kryetarja e këtij komisioni, Vjosa Osmani ditë më parë ka thënë se komisioni nuk do të dalë më me qëndrim lidhur me këtë çështje, por vetëm do ta procedojë për shqyrtim në Kuvend, pa bërë rekomandime për deputetët nëse duhet ta votojnë ose jo Marrëveshjen për demarkacionin me Malin e Zi.
Lufta Prigozhin - Putin
Më shumëA do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre