Prodhuesi i telefonave inteligjentë “Made in America” ka një mesazh për Apple në lidhje me prodhimin në SHBA

Ndërsa ish-presidenti Donald Trump ushtron presion ndaj Apple për të rikthyer prodhimin e iPhone-ve në SHBA, një kompani e vogël po dëshmon se kjo është e mundur.

Todd Weaver, themelues i Purism, thotë se startup-i i tij ka ndërtuar dhe shitur me sukses telefona të montuar në SHBA — duke sfiduar bindjen e përhapur se prodhimi vendas është i papërballueshëm dhe i vështirë për t’u realizuar, shkruajnë mediat e huaja, përcjell Telegrafi.

Telefoni Liberty i Purism-it, i montuar pranë San Diegos me elektronikë të prodhuar në SHBA dhe një kornizë metalike nga Kina, kushton 1,999 dollarë.

Edhe pse shumë larg përmasave të Apple, Weaver thotë se kompania e tij ka qenë fitimprurëse për dy vitet e fundit dhe tregon se prodhimi i telefonave në SHBA është i realizueshëm me kohë dhe planifikim.

Trump së fundmi kritikoi publikisht Apple për vazhdimin e importit të iPhone-ve dhe kërcënoi me një tarifë doganore prej 25%.

Apple reagoi duke zhvendosur prodhimin në Indi, por nuk përmendi ndonjë plan për prodhim në SHBA.

“Është sfiduese”, pranon Weaver, “por jo e pamundur. Ne po e bëjmë”. /Telegrafi/