Varhelyi: BE pritet t’i dhurojë 30 miliardë euro shteteve të Ballkanit Perëndimor

Komisioneri Evropian për Fqinjësi dhe Zgjerim, Oliver Varhelyi, tha se Bashkimi Evropiani pritet t’i dhurojë 30 miliardë euro shteteve të Ballkanit Perëndimor për të ndihmuar këto shtete për rimëkëmbjen e tyre post-COVID-19.

Në një shkrim në Twitter, u shpreh se ky plan mund të funksionojë vetëm nëse rajoni bashkëpunon mes vete.

Në takimin e ftuar nga Kancelarja e Gjermanisë, Angela Merkel, morën pjesë kryeministra të vendeve të Bashkimit Evropian dhe të Ballkanit Perëndimor, përfaqësues të lartë të Bashkimit Evropian dhe të institucioneve të tjera të rëndësishme ndërkombëtare.

Lexo po ashtu Kurti: KE ta marrë parasysh propozimin që të avancojmë CEFTA-n në SEFTA, dhe të fillojë një dialog që do të çonte në rezultate konkrete

Samiti u zhvillua në katër sesione të ndara ku u diskutua për të arriturat e Procesit të Berlinit bashkëpunimin rajonal ndërmjet shteteve të Ballkanit Perëndimor dhe për hapat e ardhshëm në këtë proces.

Ndërsa, kryeministri Albin Kurti, deklaroi se BE-ja dhe vendet e rajonit të Ballkanit Perëndimor duhet të ndërmarrin veprime të guximshme për të forcuar lidhjet reciproke në përshpejtimin e reformave që hapnin rrugën e aderimit në familjen e madhe evropiane.

Ai në samitin virtual të Berlinit tha se Procesi i Berlinit u krijua në një kohë kur perspektiva e rajonit për anëtarësimin në BE dukej e largët, por fatkeqësisht edhe shtatë vjet më vonë situata nuk ka ndryshuar shumë./Telegrafi.

At #BerlinProcess Summit with #WesternBalkans today: The region plays a key role in our plans for more prosperous, better connected, greener & more resilient Europe. This is why we must speed up its integration to #EU. pic.twitter.com/ZGDkPPhbKg

— Oliver Varhelyi (@OliverVarhelyi) July 5, 2021