LAJMI I FUNDIT:

Princi William pati reagimin më të adhurueshëm kur Kate Middleton u quajt e bukur

Princi William pati reagimin më të adhurueshëm kur Kate Middleton u quajt e bukur

Princi William dhe gruaja e tij prej dhjetë vjetësh, Kate Middleton, shfaqën një atmosferë të bukur dashurie së fundmi.

Fillimisht patëm ato fotografitë në prapaskenë nga ceremonia e “Earthshot Prize”, më pas ishte shëtitja e tyre në stilin e filmit të Krishtlindjes – dhe tani, të dy janë parë duke ndarë një moment romantik gjatë “Royal Variety Performance”.

Si pjesë e ngjarjes vjetore, familja mbretërore argëtohen nga një sërë aktesh muzikore, humoristë, trupa cirku dhe më shumë, në një spektakël të krijuar për të mbledhur fonde për bamirësi. Për edicionin e vitit 2021, Ed Sheeran, Years & Years, Rod Stewart dhe kasti i muzikalit Matilda ishin vetëm disa nga ata që morën një kthesë në qendër të vëmendjes.

Këtë herë, ngjarja u drejtua nga komediani Alan Carr, i cili tha: “Ne të gjithë po mendonim dhe komentonim se sa mahnitëse dukej Dukesha e Kembrixhit me fustanin e saj festiv, të gjelbër me shkëlqim”.

Kur përshëndeti audiencën në shfaqje, Alan falënderoi çiftin për pjesëmarrjen dhe tha: “Ne jemi jashtëzakonisht të nderuar që na bashkohen Lartësitë e tyre Mbretërore, Duka dhe Dukesha e Kembrixhit. Zonjë, mund të them që dukeni absolutisht e bukur sonte?”.

Pas kësaj, Kate qeshi me turp, ndërsa William dukej i kënaqur, teksa i dha gruas së tij një buzëqeshje të lezetshme.

Momenti ishte absolutisht i adhurueshëm dhe fansat mbretërorë me sy të mprehtë shpejtuan ta komentonin edhe në rrjetet sociale, me një shkrim: “Princi William është krenar për Dukeshën Kate, ajo është me të vërtetë e bukur brenda si jashtë”. /Telegrafi/